ტრენინგის მიზანია მსმენელებს  პოლიტიკური მარკეტინგისა და პოლიტიკური კომუნიკაციების ზოგადი არსი გააცნოს: პოლიტიკური ბაზრისა და მისი მოთხოვნილებების შესწავლის მეთოდები; პოლიტიკურ საინფორმაციო პროცესებში ჩართული აქტორების, მათ შორის პოლიტიკური პარტიების, ლიდერების, მედიისა და ელექტორატის კომუნიკაციის ძირითადი არხები.

 

კურსი განკუთვნილია ნებისმიერ, კომერციულ, არასამთავრობო თუ სახელმწიფო სტრუქტურაში დასაქმებულ თუ დასაქმების მსურველ პირთათვის, რომლებსაც პირდაპირი ან ირიბი შეხება აქვთ მარკეტინგის, სტრატეგიული კომუნიკაციების, საზოგადოებასთან ურთიერთობისა და სოციოლოგიური კვლევების სისტემასთან; ვისაც სურს მომავალი საქმიანობა საჯარო სექტორში კომუნიკაციების მიმართულებით წარმართოს. კურსი ეფექტურ მართვაში დაეხმარება როგორც დამწყებ, ასევე გამოცდილ მენეჯერებს.

 

კურსის გავლის შემდეგ, ტესტირებისა და განვლილი საკითხების მიხედვით მომზადებული პრეზენტაციის ან პროექტის საფუძველზე სტუდენტები მიიღებენ შავი ზღვის საერთაშორისო უნივერსიტეტის ორენოვან სერტიფიკატს, ქართულ და ინგლისურ ენაზე, ხოლო საუკეთესო შედეგების მქონე სტუდენტები მიიღებენ სარეკომენდაციო წერილს.

ტრენინგის თემატიკა:

ტრენერი: მაკა კევლიშვილი

მარკეტინგული კომუნიკაციების სპეციალისტი, სოციოლოგიის მაგისტრი. ევროპის მარკეტინგის კონფედერაციისა და ნიდერლანდების მარკეტინგის ინსტიტუტის მიერ მინიჭებული აქვს  პრაქტიკოსი მარკეტერის სტატუსი. მკვლევარი, მარკეტინგული კომუნიკაციების  ტრენერი. 8-წლიანი პრაქტიკული სამუშაო გამოცდილება კომუნიკაციებისა და მარკეტინგის მიმართულებით კერძო და საჯარო სექტორში. ამჟამად არის  საქართველოს თავდაცვის სამინისტროს სტრატეგიული კომუნიკაციებისა და საზოგადოებასთან ურთიერთობის დეპარტამენტის, სტრატეგიული კომუნიკაციების პოლიტიკის და დაგეგმვის განყოფილების უფროსი.

ტრენინგის ღირებულება: 460 ლარი (თანხის გადახდა შესაძლებელია ორ ნაწილად: პირველი ნაწილი – ტრენინგის დაწყებამდე, მეორე ნაწილი – ტრენინგის დასრულებამდე ერთი კვირით ადრე).

 

ტრენინგის ხანგრძლივობა: 30 სთ.