SANGU - წმინდა ანდრია პირველწოდებულის სახელობის ქართული უნივერსიტეტის ჰუმანიტარულ მეცნიერებათა და სამართლის სკოლა (ფაკულტეტი) გთავაზობთ შემდეგ სადოქტორო პროგრამებს:

 

ხელმძღვანელი: აკადემოკოსი რიონ მეტრეველი

 

 

XIX საუკუნის მეორე ნახევრიდან დაწყებული საისტორიო მეცნიერებამ, როგორც ზოგადად, ისე მისმა ცალკეულმა დარგებმა, დასავლურ სამყაროში დიდი აღმავლობა განიცადა. შეიქმნა ცნობილი სკოლები, დაიწერა უმნიშვნელოვანესი გამოკვლევები. ამ პერიოდში ქართული საისტორიო მეცნიერება, კერძოდ საქართველოს ისტორია, ძალზე არახელსაყრელ პირობებში ვითარდებოდა. ეს განსაკუთრებით ეხება საქართველოს ახალ და უახლეს ისტორიას (XIX-XX სს). ჯერ რუსეთის იმპერიის ხელისუფლება (1917 წლამდე), ხოლო შემდეგ საბჭოთა ხელისუფლება (1921 წლიდან) ყოველმხრივ აფერხებდა საქართველოს ისტორიის ობიექტურ კვლევას. ამიტომ იყო რომ ქართული საისტორიო მეცნიერება, გამოჩენილი ქართველი მეცნიერების დიდი ღვაწლის მიუხედავად, მაინც დიდად ჩამორჩა დასავლურ (ევროპულ და ამერიკულ) ისტორიოგრაფიას. დღეს ჩვენი მიზანია, ამ ჩამორჩენის დაძლევა. სადოქტორო პროგრამა ,,საქართველოს ისტორია” (უძველესი დროიდან XXI საუკუნის დამდეგამდე)“ სწორედ ამ მიზანს ემსახურება.

ხელმძღვანელი: პროფესორი როზეტა გუჯეჯიანი.

 

პროგრამა მსურველებს სთავაზობს შედარებით ფართო და კომპლექსურ ცოდნა-გამოცდილებას ქართულ და ზოგადად, კავკასიის ხალხთა ეთნოგრაფიულ თავისებურებებზე.

 

პროგრამის ამოცანას წარმოადგენს, - დოქტორანტებისათვის არა მხოლოდ წარსული/ტრადიციული ეთნოგრაფიული რეალიების ღრმა და ამომწურავი ცოდნის მიცემა, არამედ, თანამედროვე ეთნოკულტურულ პროცესებზე დაკვირვებისა და ეთნიკური კულტურებისა და ეთნოსთაშორისი კულტურული პროცესების განვითარების გზების პერსპექტივების პროგნოზირების უნარების შეძენა.

ხელმძღვანელი: პროფესორი ტარიელ ფუტკარაძე.

 

 

ველზე მივლინებებით ერთი რომელიმე ქართველური იდიომის პრაქტიკულად შესწავლას, ქართველური ენა-კილოების შეპირისპირებით ანალიზს, ქართველური კილოების მონაცემთა ბაზის (ქართველური დიალექტური კორპუსის) შექმნას და სხვ.განსაკუთრებული ყურადღება ექცევა სამეცნიერო ლიტერატურისა საერთაშორისო ველში არსებული მასალების კრიტიკულ ანალიზსა და ახალი სამეცნიერო პრობლებების წამოჭრას.

ხელმძღვანელი: პროფესორი გიორგი ალიბეგაშვილი.

 

 

ქართული ლიტერატურა, მისი თექვსმეტსაუკუნოვანი ისტორია, ისეთი ფენომენია, რომლის საფუძვლიან შესწავლას, საკუთრივ მეცნიერული ღირებულების გარდა, ის პერსპექტივაც აქვს, რომ შეიძლება წარმატებით მოემსახუროს ჩვენი ქვეყნის ზოგადსახელმწიფოებრივ ინტერესებს კულტურისა და განათლების სფეროში, სახელმწიფოებრივი იდეოლოგიის გამოკვეთა-დახვეწის, საზოგადოების ინტელექტუალური წინსვლის საქმეში.

ხელმძღვაენლი: პროფესორი ეკა დუღაშვილი.

 

 

საუკუნეების განმავლობაში თარგმანს სოციალურ-კულტურული და საერთაშორისო მნიშვნელობა ენიჭებოდა და საზოგადოების განვითარების ერთ-ერთი აუცილებელი პირობა იყო. საქართველოს თარგმანის მრავალსაუკუნოვანი ტრადიცია გააჩნია. თარგმნილი ლიტერატურა ქართული მწერლობის სათავეებთან დგას.