მისანიჭებელი კვალიფიკაცია - დიპლომირებული მედიკოსი Medical Doctor

 

მედიცინის საგანმანათლებლო პროგრამაზე სწავლების აუცილებელი პირობაა თეორიული და პრაქტიკული სწავლების ინტეგრაცია, კლინიკური უნარ-ჩვევების განვითარება ვირტუალური სიმულაციის ცენტრში (უმცროსკურსელებისთვის) და კლინიკურ გარემოში (უფროსკურსელებისთვის).

 

სწავლების პროცესში მეტად მნიშვნელოვანია სწავლების შემდეგი ფორმების გამოყენება: ინტერაქტიური ლექციები, სემინარები, შუალედური გამოცდები;  კლინიკურ გარემოში სწავლება (bedside teaching);  სიმულატორებისა და მულაჟების გამოყენება; პაციენტისა და ექიმის როლების შესრულება;  ლაბორატორიული სწავლება;  პრეზენტაციები; სამეცნიერო კვლევაში მონაწილეობა;  პრაქტიკული კურსების გავლა კლინიკურ ბაზებში.

 

ამ მიზნით, უნივერსიტეტში ფუნქციონირებს საბაზისო საუნივერსიტეტო სასწავლო ლაბორატორია, რომელიც აღჭურვილია თანამედროვე ტიპის ანატომიური მოდელებითა და მულაჟებით; ფიზიოლოგიის სასწავლო–სამეცნიერო ლაბორატორია, რომელშიც სტუდენტები ცხოველებზე ატარებენ ექსპერიმენტებს; ბიოქიმიის ლაბორატორია და სხვა. კლინიკური სასწავლო კურსების კლინიკურ გარემოში სწავლების მიზნით, უნივერსიტეტს ურთიერთთანამშრომლობის მემორანდუმები აქვს გაფორმებული წამყვან სამედიცინო დაწესებულებებთან და კლინიკებთან. სამეცნიერო უნარ–ჩვევების გამომუშავების მიზნით პროგრამაში გათვალისწინებულია სამეცნიერო კვლევის მოდული.

 

ჩვენ ვქმნით თქვენს მომავალს.

 

დაინტერესებულ პირებს გთხოვთ შეავსოთ ვებგვერდზე განთავსებული სარეგისტრაციო ფორმა