GE
ბიზნეს ქოუჩინგი - ირინა ჭოჭუას საავტორო პროგრამა
ღირებულება: 2400 ლარი
საქართველოს საზოგადოებრივ საქმეთა ინსტიტუტის (GIPA) ტრენინგებისა და კონსულტაციების ცენტრი აცხადებს მიღებას ირინა ჭოჭუას საავტორო სასერტიფიკატო პროგრამაზე: ბიზნეს ქოუჩინგი
 
ქოუჩინგი არის წარმატების მიღწევის ტექნოლოგია, რომელიც ორიენტირებულია ადამიანის სააზროვნო სისტემის გაფართოებაზე. ქოუჩთან მუშაობის შედეგად ადამიანი იწყებს საკუთარი რესურსების და უნარების გამოყენებას და ეძებს მისთვის ოპტიმალურ გზას დასახული მიზნის მისაღწევად. ქოუჩინგი ბიზნესში არის მართვის თანამედროვე ტექნოლოგიები, რომლის საფუძველზე მსმენელი ცოდნასთან ერთად მიიღებს პრაქტიკულ სამუშაო სქემას, რომლითაც მსმენელს შეეძლება მართოს ბიზნესი და აიყვანოს ის უფრო მაღალ საფეხურზე.
 
პროგრამის მიზანი არის მონაწილეებს მისცეს თეორიული და პრაქტიკული ცოდნა ბიზნეს ქოუჩინგის შესახებ, რომლის საშუალებითაც მათ შეეძლებათ ორგანიზაციის შიდა სტრუქტურის აწყობა და მართვა თანამედროვე ტექნოლოგიების გამოყენებით.
 
პროგრამის სამიზნე ჯგუფს წარმოადგენენ მაღალი რგოლის მენეჯერები (აპარატის უფროსი, დეპარტამენტის უფროსი, HR, PR, Marketing მენეჯერები, მმართველები), სპეციალისტები, ვის მოვალეობებშიც შედის თანამშრომლების მოტივაცია, მუშაობის შედეგების გაუმჯობესება, მუშაობა სტრატეგიაზე და განვითარებაზე, კორპორაციული კულტურის და ღირებულებების ამაღლება, მართვის ოპტიმიზაცია და დასახული მიზნების მიღწევა.
 
კურსის მონაწილეები:
  • მიიღებენ ბიზნეს ქოუჩინგის და პერსონალის მართვის ტექნოლოგიების ნაკრებს;
  • გაეცნობიან სტრუქტურის მართვის მოდელს;
  • გაანალიზებენ პერსონალის მოტივაციის ამაღლების, მიზნის დასახვის და სტრატეგიული მუშაობის ტექნოლოგიებს;
  • გაიგებენ, რა არის მართვა ქოუჩიგნის სტილში;
  • შეძლებენ აწარმოონ ეფექტური ქოუჩინგური დიალოგი;
  • შეძლებენ გამოიყენონ მიღებული პრაქტიკული ცოდნა საქმიან მოლაპარაკებებსა და შეხვედრებში;
  • აიმაღლებენ კომუნიკაციის უნარებს;
  • მოახდენენ საკუთარი რესურსებისა და უნარების ოპტიმიზაციას.
პროგრამის აღწერილობა:
ყველა მსმენელს საშუალება ექნება კუსრის მსვლელობის მანძილზე იმუშაოს ქოუჩთან, მონაწილეობა მიიღოს დემო სესიებში და ჩაერთოს პრაქტიკულ მუშაობაში. ასევე შეიმუშავოს საკუთარი ორგანიზაციის მოთხოვნების გათვალისწინებით, მართვის შესაბამისი ეფექტური მოდელი და შემდეგ წარმატებით დანერგოს ორგანიზაციაში. პროგრამის ფარგლებში მონაწილეები ინდივიდუალურად იმუშავებენ შემდეგ საკითხებზე: რას მინდა რომ მივაღწიო, როგორ ვგეგმავ მიღწევას, რატომ არის ჩემთვის  მნიშვნელოვანი ეს საკითხი და როდის მეცოდინება, მივაღწიე თუ არა ჩემს მიზანს.
 
პროგრამის შინაარსი:
1. წარმატებული ბიზნეს ქოუჩინგის საფუძვლები
  • შესავალი ნაწილი - ქოუჩინგის არსი, ძირითადი პრინციპები
  • ბიზნეს ქოუჩინგი
  • პროფესიული ეთიკა
  • ქოუჩინგი კონსალტინგის ნაცვლად
  • ქოუჩინგის ფორმატი
  • ბიზნეს და პერსონალური მიზნების განსაზღვრა
  • შედეგზე ორიენტირებული პროცესი
  • პროფესიული ქოუჩინგის წარმართვა
  • უკუგება (feedback)
2. ქოუჩინგის ფორმატი
  • კონტრაქტი და მიზნის ჩამოყალიბება, ქოუჩინგური გამოცდილება
  • ეფექტური კომუნიკაციის ტექნიკები (მოსმენა, რაპორტი, კლიენტების ტიპები, ქოუჩინგური დიალოგები)
  • მიზნის დასახვა - წარმატების დაგეგმარება
  • საბოლოო შედეგის ფორმატი
  • ქოუჩინგის პროცესის გაგრძელება
  • პროექტების რეალიზაციის სტრატეგიის შემუშავება
  • მასტერინგი
  • ტექნიკები და სავარჯიშოები
3. ქოუჩინგ ტექნიკების ნაკრები
  • მოტივაცია
  • მუშაობა ღირებულებებთან
  • მუშაობა რწმენა-წარმოდგენებთან და წინააღმდეგობებთან
  • ცვლილებების დანერგვა
  • ჯგუფური ქოუჩინგი
  • თიმ ბილდინგი
  • ახალი ქცევის გენერატორი
4.  NLP საფუძვლები და ტექნიკები
  • შესავალი ნაწილი
  • კალიბრირება, რეპრეზენტაციული სისტემები და კომუნიკაცია, ლინგვისტური ტექნიკები
  • მეტა მოდელები და მეტა პროგრამები
  • რეფრეიმინგი, სასაუბრო სტრატეგიები და ლინგვისტური ხაფანგები
  • NLP ფსიქო-ტექნიკები ბიზნესისთვის
  • ეფექტური ფასილიტაცია
  • მილტონ მოდელი
კურსის დასრულების შედეგად მონაწილეებს ეცოდინებათ როგორ წარმართონ ქოუჩინგ პროცესები ორგანიზაციის შიგნით, როგორ ააწყონ კომუნიკაცია ტრანსფორმაციული ტექნიკების გამოყენებით, აწარმოონ ქოუჩინგური დიალოგი, დასახონ სწორი მიზნები და შეიმუშაონ სტრატეგიული მოდელები, როგორ გადაზარდონ დასახული ამოცანები რეალურ ქმედებებში და როგორ მიიღონ სწორი და მიზანზე ორიენტირებული უკუკავშირი.
 
ტექნიკური აღწერილობა:
სწავლის ხანგრძლივობა: 4 თვე
კურსის მოცულობა: 170 საათი
 
სასწავლო მეთოდოლოგია: სწავლება ინტერაქტიულია და ითვალისწინებს მონაწილეების აქტიურ ჩართულობას. სწავლის პროცესში მონაწილეებს დაევალებათ მუშაობა კონკრეტულ ტექნიკებზე როგორც ჯგუფში, დემო სესიების ფორმატით, ასევე საკუთარ ორგანიზაციებში. სწავლების ბოლოს მონაწილეები იმუშავებენ
ინდივიდუალურად საკუთარ ორგანიზაციებში, მართვითი ქოუჩინგის მიმართულებით. მონაწილეების მუშაობა შეფასდება უკუკავშირის სპეციალური ფორმით და ტესტებით. მონაწილეებს ექნებათ გასვლითი ლექციები და შეხვედრები.
 
შეფასების სისტემა:
  • დასწრება - 15 %
  • ტესტები - 25 %
  • დემო სესიები - 35 %
  • უკუკავშირის ფორმატი - 25 %
სერტიფიკატი:
  • სწავლის წარმატებით დასრულების შემდეგ მონაწილეებს გადაეცემათ ბიზნეს ქოუჩის დამადასტურებელი სერტიფიკატი (Business Coach).
  • დამატებით, თითეულ მონაწილეს, GIPA-სგან ბონუსად გადაეცემა პროგრესის სერტიფიკატი, სადაც მითითებული იქნება მისი პროფესიონალიზმისა და უნარების დონის მაჩვენელებლები (პროგრამის გავლამდე და შემდეგ). 
მოთხოვნა სერტიფიკატის მისაღებად:
  • თითოეულ საგანში დადებითი შეფასების მიღება;
  • აქტიური მონაწილეობა დემო სესიებსა და სხვა დავალებებში
  • საბოლოო პროექტის განხორციელება 
საბანკო რეკვიზიტები:
საბანკო კოდი (მფო) – 220101850N
მიმღების დასახელება – ააიპ საქართველოს საზოგადოებრივ საქმეთა ინსტიტუტი
ანგარიშსწორების ანგარიში – GE84TB1100000110700419 / GEL
 
პროგრამაზე გათვალისწინებული არის შემდეგი სახის ფასდაკლებები:
  1. GIPA - ს კურსდამთავრებულთათვის - 20%
  2. ოჯახის წევრების ერთ კურსზე ერთდროულად სწავლის შემთხვევაში - 10%
  3. სტუდენტებისათვის - 10%
მისაღები პროცედურები:
სასერტიფიკატო პროგრამით დაინტერესებულმა პირებმა უნდა გადმოაგზავნონ CV და პირადობის მოწმობის ასლი (trainings@gipa.ge) და შეავსონ სარეგისტრაციო ფორმა. საბუთების მიღების შემდეგ ჩატარდება გასაუბრება მიმღებ კომისიასთან.
 
შერჩევის კრიტერიუმი:
  1. ინგლისური Intermediate Level
  2. დასაქმებული მმართველ პოზიციაზე
  3. მოტივაცია
საბუთების მიღების ბოლო ვადა არის 15 მარტი, სწავლა დაიწყება 20 მარტიდან.
 
საკონტაქტო პირი:
თორნიკე კაპანაძე
კოორდინატორი
ტრენინგებისა და კონსულტაციების ცენტრი
მის: იეთიმ გურჯის ქუჩა 7, თბილისი, 0105
ტელ: (995 32) 2 49 75 00
ელ-ფოსტა:  t.kapanadze@gipa.ge
მობ: +995 599 629 777
 
პროგრამის ავტორი და განმახორციელებელი:
კურსს უძვება ერიქსონის სერტიფიცირებული ქოუჩი. კურსი აგებულია მილტონ ერიქსონის კომუნიკაციის მეთოდებზე, ქოუჩინგის და NLP საფუძვლებზე და ორიენტირებულია მსმენელებში პრაქტიკული უნარების განვითარებაზე.
 
ირინა ჭოჭუა - სერტიფიცირებული ქოუჩი, კომუნიკაციების სპეციალისტი, ტრენერი. ტრენერი - საავტორო პროგრამები “ონლაინ მედია და პიარი“, „პერსონალური ბრენდინგი“, „NLP კომუნიკაციები“, „კრეატიული სელფ-ქოუჩინგი“, „NLP ბიზნეს სტრატეგიები“, „ბიზნეს ქოუჩნგი“ (საქართველო, ყაზახეთი). პიარ სააგენტო MediaLink - დამფუძნებელი და რამდენიმე ინტერნეტ პროექტის ავტორი (საქართველო). მობილური აპლიკაციების დეველოპერი კომპანია iCome - სტრატეგიული კომუნიკაციები (ყაზახეთი). პირველი ქართული ბლოგი ქოუჩინგზე, ავტორი -www.coaching.ge. პრაქტიკოსი ქოუჩი - (საქართველო, ყაზახეთი). ტრენერი - GIPA, PR Academy, KAPLAB, IBSU, L.E.S. (საქართველო, ყაზახეთი). კონსულტანტი სტრატეგიულ კომუნიკაციებში - (საქართველო)
  • სავარაუდო თარიღი გასულია
  • ჩატარების ადგილი თბილისი
  • სწავლების ენა ქართული
  • სწავლის ფორმა საღამოს
განიხილეთ და ნახეთ შეფასებები სასწავლო პროგრამებზე - შეუერთდით Aris.ge- განათლების ფეისბუკის ჯგუფს - ტრენინგები, კურსები, პროგრამები