აბიტურიენტთა ქართული ენისა და ლიტერატურის და ქიმიის გამოცდის შედეგები გამოქვეყნდა – გამოცდები 2015
შეფასებისა და გამოცდების ეროვნული ცენტრი აბიტურიენტთა 2015 წლის ერთიანი ეროვნული გამოცდების შედეგების გამოქვეყნებას განაგრძობს.
გამოქვეყნდა სავალდებულო ქართული ენისა და ლიტერატურის და არჩევითი საგნის ქიმიის გამოცდის შედეგები.
ქართული ენა და ლიტერატურა – შეფასების სქემა
შეგახსენებთ, რომ ტესტის ერთი ვარიანტის არსებობის შემთხვევაში (მაგ.: ქიმია) არ გამოიყენება გათანაბრების წესი. შესაბამისად, კონკურსში მონაწილეობის გასაგრძელებლად აბიტურიენტმა უნდა გადალახოს მინიმალური კომპეტენციის ზღვარი (მიიღოს კონკურსში მონაწილეობისათვის საჭირო მინიმალური ქულა).
იმ საგნებისათვის, სადაც ტესტის ორი ან მეტი ვარიანტი იყო გამოყენებული, გათანაბრებული ქულები გამოქვეყნდება სააპელაციო პროცესის დასრულების შემდეგ.
შედეგების გაგება შეგიძლიათ ვებ-გვერდზე www.naec.ge; ან www.online.naec.ge.
სისტემაში შესასვლელად აპლიკანტმა შესაბამის ველში უნდა მიუთითოს პირადი ნომერი და საგამოცდო საინდენტიფიკაციო ნომერი. იქვე იქნება განთავსებული ნაშრომის სკანირებული ასლი და კონკრეტულ დავალებაში მიღებული ქულა.
შედეგების გაგებას აბიტურიენტები მოკლე ტექსტური შეტყობინებითაც შეძლებენ, ამისათვის აპლიკანტმა მობილური ტელეფონიდან (მაგთი, ჯეოსელი, ბილაინი) საკუთარი საგამოცდო საიდენტიფიკაციო ნომერი (ბარათზე წითლად მითითებული) უნდა გააგზავნოს ნომერზე 93333 (მომსახურების საფასური 50 თეთრი ჩამოიჭრება ანგარიშიდან).
სააპელაციო განაცხადების მიღება დაიწყება ყველა გამოცდის შედეგის გამოქვეყნების შემდეგ. განაცხადების მიღება იწარმოებს მხოლოდ ელექტრონულად ვებგვერდებზე www.naec.ge; online.naec.ge.
- როგორ ჩავირიცხებით სამაგისტრო პროგრამაზე – შეფასების სისტემა, მინიმალური და მაქსიმალური ქულები და გრანტის გამოთვლის წესი by სიახლეები სამაგისტრო გამოცდებზე
- 2023-2024 სასწავლო წლის ეროვნული სასწავლო ოლიმპიადის საბოლოო შედეგები ცნობილია – სია by ARIS.GE-განათლება
- გამოქვეყნდა ეროვნული სასწავლო ოლიმპიადის მესამე ტურის აპელაციის შედეგები by შეფასებისა და გამოცდების ეროვნული ცენტრი