აჭარაში აბიტურიენტებს მათემატიკურზე მეტად ვერბალური ნაწილის დაძლევა გაუჭირდათ
ერთიანი ეროვნული გამოცდების მეორე სავალდებულო გამოცდა ზოგად უნარებში აბიტურიენტებმა აჭარის ორ საგამოცდო ცენტრში ჩააბარეს. ორივე საგამოცდო ცენტრში დარეგისტრირებული აბიტურიენტები Aris.ge-განათლებასთან ამბობენ, რომ ვერბალური ნაწილი ბევრად უფრო რთული იყო, ვიდრე მათემატიკური, მოლოდინი კი სხვაგვარი ჰქონდათ.
თათია გურგენიძე: „მისაღებ გამოცდებში მონაწილეობას პირველად ვღებულობ. მიუხედავად იმისა, რომ წარმოდგენილი ტესტები საკმაოდ რთული იყო, ვიმედოვნებ, რომ წარმატებით გავივლი ყველა გამოცდას და სტუდენტი გავხდები. ვერბალური ნაწილი მათემატიკურთან შედარებით ჩემთვის პირადად რთული აღმოჩნდა. იყო საკითხები, რომლებზეც დიდი დრო მჭირდებოდა, თუმცა მაქსიმალურად ვეცადე, რომ მოცემულ დროში მომესწრო ყველა კითხვაზე პასუხი. მათემატიკურ ნაწილში ჩემთვის მარტივი ტესტები აღმოჩნდა, რასაც გულწრფელად, რომ ვთქვა არ მოველოდი.“
მარიამ კეკელიძე – ჩაქვის პირველი საჯარო სკოლა: „ეროვნულ გამოცდებში ბედი წელს მეორედ ვცადე, მინდა აღვნიშნო, რომ წინა შემთხვევისგან განსხვავებით, წლევანდელი ზოგადი უნარების გამოცდა კიდევ უფრო რთული აღმოჩნდა. გამოცდისთვის გათვალისწინებული დრო მაქსიმალურად გამოვიყენე და ვეცადე, რომ ყველა კითხვაზე ამომწურავი პასუხი გამეცა. მათემატიკურიც და ვერბალური ნაწილიც ჩემთვის თანაბარი სირთულის იყო. იმედი მაქვს ჩემთვის საჭირო რაოდენობის ქულებს მივიღებ. მინდა ყველა აბიტურიენტს წარმატება ვუსურვო.“
ზოგადი უნარების გამოცდა ერთ სესიად ჩატარდა ხულოს საგამოცდო ცენტრში. ზემო ვაშლოვანის საჯარო სკოლის მოსწავლის სოფო აბულაძის თქმით გამოცდები აქ ორგანიზებულად და ყველა ნორმის დაცვით მიმდინარეობს.
სოფო აბულაძე: „ყველაფერმა ძალიან კარგად ჩაიარა. ჩემთვის მათემატიკური ნაწილი ძალიან მარტივი აღმოჩნდა, ვერბალური შედარებით რთული. დროის ამოწურვამდე 10 წუთით ადრე გამოვედი გამოცდიდან და კარგ ქულებს ველოდები, ვნახოთ საბოლოო ჯამში რა გამოვა,“ – განუცხადა Aris.ge-განათლებას სოფო აბულაძემ.
ზოგადი უნარების გამოცდა დღეს დასრულდება, 8 ივლისიდან კი აბიტურიენტები გამოცდას უცხო ენებში ჩააბარებენ.
რას ამბობენ ზოგადი უნარების გამოცდიდან გამოსული აბიტურიენტები
მაია შავაძე – ბათუმი
- დაიწყება თუ არა სკოლაში ქართული ენის ცალკე საგნად სწავლება? – რა პასუხი აქვს განათლების მინისტრს by ARIS.GE-განათლება
- „ძალიან დაგეხმარებათ პროგრამის მიზნებისა და შინაარსის გაცნობა“ – როგორ შევარჩიოთ სასწავლო პროგრამები სწორად by რჩევები
- გამოქვეყნდა საჯარო სკოლის დირექტორობის მსურველთა გასაუბრების განრიგი და შეფასების კრიტერიუმები by ARIS.GE-განათლება