აღმოსავლეთ ევროპის სასწავლო უნივერსიტეტსა და საქართველოს მთავარ პროკურატურას შორის მემორანდუმი გაფორმდა
2015 წლის 27 მაისს, საქართველოს მთავარ პროკურატურაში ხელი მოეწერა ურთიერთთანამშომლობის მემორანდუმს აღმოსავლეთ ევროპის სასწავლო უნივერსიტეტსა და საქართველოს მთავარ პროკურატურას შორის. მემორანდუმს ხელი მოაწერეს საქართველოს მთავარი პროკურორის მოადგილემ ბატონმა გიორგი გოგაძემ და აღმოსავლეთ ევროპის სასწავლო უნივერსიტეტის რექტორმა ბატონმა დავით ჩერქეზიშვილმა.
უნივერსიტეტის ცნობით, ხელმოწერის ცერემონიას ესწრებოდნენ აღმოსავლეთ ევროპის სასწავლო უნივერსიტეტის სტუდენტები (მაგისტრანტები), რომლებსაც საქართველოს მთავარი პროკურორის მოადგილემ ბატონმა გიორგი გოგაძემ, გააცნო და ესაუბრა მემორანდუმის პირობებისა და იმ პრივილეგიების შესახებ, რომელიც აღნიშნული მემორანდუმის ფარგლებში ექნებათ EEU-ს სტუდენტებს, მიულოცა მათ და მომავალი წარმატებები უსურვა.
როგორც უნივერსიტეტის ოფიციალურ გვერდზეა აღნიშნული, თავის მხრივ საქართველოს მთავარი პროკურატურის მისამართით მადლიერება გამოხატა აღმოსავლეთ ევროპის სასწავლო უნივერსიტეტის რექტორმა ბატონმა დავით ჩერქეზიშვილმა და აღნიშნა, რომ ძალზედ მნიშვნელოვანია, რომ აღნიშნული მემორანდუმის ფარგლებში EEU-ს იურიდიული ფაკულტეტის სტუდენტებს ექნებათ პრაქტიკების გავლის, პრაქტიკული გამოცდილების მიღების, დასაქმებისა და მომავალში პროფესიონალებად ჩამოყალიბების კონკრეტული პერსპექტივა.
- ორმაგი დიპლომი და საერთაშორისო ბაზარზე დასაქმების რეალური შანსი – EEU-ში ციფრული მენეჯმენტის სამაგისტრო პროგრამაზე სტუდენტების მიღება იწყება by აღმოსავლეთ ევროპის უნივერსიტეტი (EEU)
- EEU-ის რექტორი და სტუდენტები ლეიკემიით დაავადებული ბავშვების დასახმარებლად სისხლის ჩაბარების აქციაში ჩაერთნენ by აღმოსავლეთ ევროპის უნივერსიტეტი (EEU)
- გიორგი კეკელიძე აღმოსავლეთ ევროპის უნივერსიტეტში ლექციებს წაიკითხავს by აღმოსავლეთ ევროპის უნივერსიტეტი (EEU)