განათლების სამინისტროში უწყებათაშორისი კომისიის რიგით მეორე სხდომა გაიმართა

საქართველოს განათლებისა და მეცნიერების სამინისტროში „ოკუპირებულ ტერიტორიებზე მიღებული ზოგადი განათლების აღიარების წესში“ ცვლილებების განხორციელების მიზანშეწონილობის განმსაზღვრელი უწყებათაშორისი კომისიის რიგით მეორე სხდომა გაიმართა.

სამინისტროს ინფორმაციით,სხდომას საქართველოს განათლებისა და მეცნიერების მინისტრის მოადგილე ლია გიგაური უძღვებოდა. შეხვედრას, გარდა განათლებისა და მეცნიერების სამინისტროს წარმომადგენლებისა, სამხრეთ ოსეთის ადმინისტრაციის, აფხაზეთის ავტონომიური რესპუბლიკის განათლებისა და კულტურის სამინისტროს, საქართველოს შინაგან საქმეთა სამინისტროსა და შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის წარმომადგენლები ესწრებოდნენ.