გიორგი მაჩაბელი გორის რაიონის სკოლების დირექტორებს, პედაგოგებსა და რესურსცენტრის წარმომადგენლებს შეხვდა
ახალ სქემასა და მასწავლებელთა შეფასების ელექტრონულ სისტემაზე პრეზენტაციას ამჯერად, გორის რაიონის საჯარო სკოლის დირექტორები, საგანმანათლებლო რესურსცენტრის წარმომადგენლები და მასწავლებლები გაეცნენ. შეხვედრა მასწავლებელთა პროფესიული განვითარების ეროვული ცენტრის დირექტორმა გიორგი მაჩაბელმა და კარიერული წინსვლის სქემაზე მომუშავე ექპერტებმა გამართეს.
მასწავლებლის სახლის ოფიციალური გვერდის ინფორმაციით, გორის რაიონის N3 და N9 საჯარო სკოლებში შეკრებილმა აუდიტორიამ სრული ინფორმაცია მიიღო მასწავლებლის საქმიანობის დაწყების, პროფესიული განვითარებისა და კარიერული წინსვლის სქემასთან დაკავშირებით, იმაზე თუ რა არის ახალი სისტემის მიზანი, დანიშნულება და რა შედეგზე გაგვიყვანს. ასევე, დამსწრე საზოგადოებას საშუალება ქონდათ გაცნობოდნენ მასწავლებლის შეფასების ელექტრონულ სისტემას.
პრეზენტაციების შემდეგ შეხვედრა კითხვა-პასუხის რეჟიმში გაგრძელდა და აუდიტორიამ ყველა მათთვის მნიშვნელოვან კითხვაზე პასუხი მიიღო.
სქემა ხარისხიანი განათლების დამკვიდრებას ემსახურება და თანასწორობისა და სამართლიანობის პრინციპებს ეფუძნება. გარდა იმასა, რომ ახალი სქემა პედაგოგთა კვალიფიკაციას აამაღლებს, პროფესიული განვითარება და კარიერული წინსვლა სტატუსის შესაბამისად, აისახება მასწავლებლის შრომის ანაზღაურებაზე, რაც პროფესიაში ახალგაზრდების მოსაზიდად ერთ-ერთ მნიშვნელოვან სტიმულად იქცევა.
- რომელ საგნებში გამოვლინდებიან 2022 წლის საუკეთესო მასწავლებლები – კონკურსში მონაწილეობის პირობები by ამბები ზოგადი განათლებიდან
- ადრეული განათლების მიმართულების ტრენერობის მსურველთათვის კონკურსი გამოცხადდა – დეტალები by მასმედია
- კონკურსი „საჯარო სკოლის 2021 წლის საუკეთესო დირექტორი“ – რა მოთხოვნები უნდა დააკმაყოფილოს კანდიდატმა by ამბები ზოგადი განათლებიდან