გორის უნივერსიტეტში არსებული ვარშავის უნივერსიტეტის ცენტრი პოლონეთის დელეგაციამ დაათვალიერა
გორის უნივერსიტეტის ბაზაზე არსებული ვარშავის უნივერსიტეტის ცენტრი დღეს პოლონეთის დელეგაციამ დაათვალიერა და საჩუქრად პოლონურენოვანი ლიტერატურა გადასცა. ქალაქ რაჩიეჰოვიცას და გრიფინოს თვითმმართველობების ხელმძღვანელებმა უნივერსიტეტის რექტორთან, გიორგი სოსიაშვილთან შეხვედრისას ისაუბრეს რეგიონის განვითარებაში განათლებისა და უნივერსიტეტების როლზე, თანამშრომლობის აუცილებლობაზე და გამოთქვეს სურვილი, რომ პოლონეთის სამხრეთ და დასავლეთ რეგიონის უმაღლეს სასწავლებლებსა და გორის უნივერსიტეტს შორის ასევე გაფორმდეს თანამშრომლობის მემორანდუმი.
პოლონელი სტუმრების ინფორმაციით პირველი შემთხვევაა, როდესაც საზღავრგარეთ პოლონური ენა, როგორც უცხო ენა სავალდებულო საგნად ისწავლება უმაღლეს სასწავლებელში და ამიტომ პოლონეთმა ხელი უნდა შეუწყოს სტუტენტების გაცვლით პროგრამებში ჩართვას, პერსონალისთვის ერთობლივი პოლონურ-ქართული კვლევების ჩატარებას და სხვადასხვა პროექტების განხორციელებას. თავის მხრივ რექტორმა სტუმრებს გორის უნივერსიტეტის ფონდში დაცულ, ძველ პოლონურენოვან ლიტერატურულ მასალაზე მუშაობა და სამეცნიერო კვლევებისთვის მზაობა შესთავაზა.
რაჩიეჰოვიცას გამგებელმა მარეკ გაბზდილმა და გრიფინოს ვიცემერმა პაველ ნიკიტისნკიმ პირველი ერთობლივი საპროექტო განაცხადის შეტანა ევროკავშირის ფონდებში მომავალი წლისთვის დაგეგმეს.
- ტრენინგი გორის სახელმწიფო უნივერსიტეტში – „პერსონალურ მონაცემთა დაცვის შესახებ ახალი კანონით გათვალისწინებული სიახლეები“ by გორის სახელმწიფო უნივერსიტეტი
- გორის სახელმწიფო უნვიერსიტეტში ახალგაზრდული კლუბის „YOUTHTITIA“ პრეზენტაცია გაიმართა by გორის სახელმწიფო უნივერსიტეტი
- გორის უნივერსიტეტში ერასმუს +-ის 2023 წლის კონკურსში დაფინანსებული პროექტების შესახებ საინფორმაციო შეხვედრა გაიმართა by გორის სახელმწიფო უნივერსიტეტი