იცვამს თუ იცმევს? კრეფს თუ კრიფავს? წმენდს თუ წმინდავს? – თემის ნიშანი გრამატიკულ ცნობარში
იცვამს თუ იცმევს? კრეფს თუ კრიფავს? წმენდს თუ წმინდავს? – დასახელებული ზმნების მართლწერაში გასარკვევად საჭიროა თემის ნიშნის რაობისა და გაჩენა/ჩანაცვლების ტენდენციის მიმოხილვა. სწორედ ეს იქნება “გრამატიკული ცნობარის” დღევანდელი გაკვეთილი.
ქართული ზმნის მრავალ ფუძეს გარკვეული ელემენტები – სუფიქსები – აწარმოებენ. ეს სუფიქსები პირის ნიშანსა და ფუძეს შორის ჩნდება და მათ თემის ნიშნებს უწოდებენ. თემის ნიშნებია: -ებ, -ემ, -ავ, -ამ, – ობ, -ოფ, – ი.
თემის ნიშანთა მართლწერისას დასამახსოვრებელია შემდეგი წესები:
თუ ზმნის საწყისი –ვა მარცვალზე ბოლოვდება, თემის ნიშანი იქნება –ავ;
ანუ
ვა=ავ
ბარვა – ვბარავ
ხატვა – ვხატავ
თუ საწყისი მა მარცვალზე ბოლოვდება, თემის ნიშანი იქნება – ამ
ანუ
მა=ამ
დარტყმა – ვარტყამ
დასხმა – ვასხამ
დადგმა – დავდგამ
დაუშვებელია – ავ თემის ნიშნის ხმარება ხმოვანმონაცვლე ( იგივე ფუძედრეკად) ზმნებთან.
ასეთებია: გრეხს-გრიხა, ცვეთს-ცვითა, წმენდს-წმინდა…
შესაბამისად, სწორია:
კრეფს და არა კრიფავს;
წყვეტს და არა წყვიტავს;
ბრეცს და არა ბრიცავს;
კბეჩს და არა კბიჩავს;
კმენდს და არა კმინდავს და ა.შ.
დაუშვებელია -ავ თემის ნიშნის ხმარება ზოგიერთ არახმოვანმონაცვლე ზმნაშიც.
სწორია:
კვეთს
კვეცს
ტეხს
ჩეხს
ჭექს
ხეთქს
იხვეჭს
იღეღს
სწორია:
იცვამს და არა იცმევს;
იბრძვის და არა ბრძოლობს;
გრამატიკული ცნობარის სხვა გაკვეთილები
რუბრიკის ავტორი: ნინო ლომიძე, ფილოლოგი
- სახელმწიფო ენის ექსპერტებმა ქართულ ენაზე რამდენიმე ქვეყნის სახელწოდება შეცვალეს – სწორი ფორმები by გრამატიკული ცნობარი
- გამეორება, როგორც მხატვრული ხერხი – მაგალითები და სავარჯიშო მეცადინეობისთვის by გრამატიკული ცნობარი
- ჰიპერბოლა, ლიტოტესი და გაპიროვნება – მაგალითები და სავარჯიშო მეცადინეობისთვის by გრამატიკული ცნობარი