ილიაუნიში პროფესორ გიორგი ჯაფარიძესთან შეხვედრა გაიმართება
30 აპრილს, 17:00 საათზე, ილიაუნის სამეცნიერო კაფე გიწვევთ შეხვედრაზე ილიას სახელმწიფო უნივერსიტეტის სრულ პროფესორთან, ბატონ გიორგი ჯაფარიძესთან.
საუბრის თემა: “ჰელიკური გამტარები – მომავალი ათწლეულების ნანოელექტრონიკის მასალა”
,,ერთგანზომილებიანი ჰელიკური გამტარები წარმოადგენენ ელექტრონული მატერიის ახალ ფორმას, რომელშიც ელექტრონის საკუთარი მაგნიტური მომენტის (სპინის) მიმართულება ცალსახად განისაზღვრება ელექტრონისავე მოძრაობის მიმართულებით. მაგნიტური და ელექტრული თვისებების ამგვარი მჭიდრო გადაჯაჭვულობა განაპირობებს მასალის უნიკალურ თვისებებს, რომლებიც განსაკუთრებით ეფექტურად ვლინდება ნანოსტრუქტურულ სისტემებში.
მიჩნეულია, რომ ჰელიკურ გამტარებს უნიკალური გამოყენებითი პოტენციალი აქვთ, რის გამოც მათ მიაკუთვნებენ მომავალი ნანოელექტრონიკის ერთ-ერთ ყველაზე პერსპექტიულ მასალათა ჯგუფს.
მოხსენებაში მიმოხილული იქნება ნანოსტრუქტურული სისტემები და მათი უჩვეულო თვისებები. ასევე – ის თავისებურებანი, რაც ჰელიკურ გამტარებს განსაკუთრებით საინტერესო ობიექტებად წარმოაჩენს,”- აღნიშნულია უნივერსიტეტის განცხადებაში
შეხვედრის დრო: 30 აპრილი 17:00 საათი
ადგილმდებარეობა: ილიას სახელმწიფო უნივერსიტეტის E 207 აუდიტორია (ჩოლოყაშვილის გამზ.№3/5)
დასწრება თავისუფალია
- „გააძლიერეთ კავშირი უნივერსიტეტთან“ – ილიაუნის კანცლერის რჩევები პროფესიული განვითარებისთვის by ილიას სახელმწიფო უნივერსიტეტი
- ნინო დობორჯგინიძე 1978 წლის 14 აპრილის ქრონიკას იხსენებს (ვიდეო) by ილიას სახელმწიფო უნივერსიტეტი
- ილიაუნელი თაკო წულაიას Erasmus+ თავგადასავალი by ილიას სახელმწიფო უნივერსიტეტი