კსუ-ის სტუდენტებმა პოლონური ენისა და კულტურის საზაფხულო სკოლაში მიიღეს მონაწილეობა

კავკასიის საერთაშორისო უნივერსიტეტის სტუდენტებმა კიდევ ერთ წარმატებას მიაღწიეს. კსუ-ს საერთაშორისო ურთიერთობების მესამე კურსის სტუდენტებმა: ვიქტორია ფილიამ, ნინო უღრელიძემ, ნინო სკვორცოვამ და ბიზნესის ფაკულტეტის სტუდენტებმა: ირინა როკვამ და თამუნა პიტალსკაიამ პოლონეთის მეცნიერებისა და უმაღლესი განათლების სამინისტროს პროექტში მონაწილეობა მიიღეს და პოლონური ენისა და კულტურის საზაფხულო სკოლაში დაფინანსება მოიპოვეს.

კავკასიის საერთაშორისო უნივერსიტეტის ინფორმაციით, პროექტი ვარშავის სოციალური და ჰუმანიტარული მეცნიერებების უნივერსიტეტში (SWPS) განხორციელდა. მათივე ცნობით, კსუ-ის სტუდენტებს პოლონური ენის კურსის გარდა, ასევე ჩაუტარდათ პოლონური სიმღერისა და ცეკვის გაკვეთილები და ლექცია პოლონეთის პოლიტიკური ისტორიის შესახებ.

საზაფხულო სკოლაში სწავლება 3 კვირის განმავლობაში მიმდინარეობდა