პროფესიული განათლების ეროვნული პროფესიული საბჭოს საინფორმაციო სემინარი გაიმართა

საქართველოს განათლებისა და მეცნიერების სამინისტროს ორგანიზებითა და ევროკავშირის პროექტის “დასაქმებისა და პროფესიული განათლების რეფორმების ტექნიკური დახმარება” მხარდაჭერით პროფესიული განათლების ეროვნული პროფესიული საბჭოს საინფორმაციო სემინარი გაიმართა. სემინარს საქართველოს განათლებისა და მეცნიერების პირველი მოადგილე ქეთევან ნატრიაშვილი დაესწრო.

განათლების სამინისტროს ინფორმაციით, შეხვედრის მიზანს წარმოადგენდა პროფესიული განათლების ეროვნული პროფესიული საბჭოს შესაძლებლობების გაძლიერების ხელშეწყობა პროფესიული განათლების პოლიტიკის შემუშავება-დანერგვის პროცესში. საქართველოს დამსაქმებელთა ასოციაციაციაში გამართულ საინფორმაციო სემინარზე ევროკავშირის ტექნიკური დახმარების ექსპერტებმა და საქართველოს განათლებისა და მეცნიერების სამინისტროს პროფესიული განათლების განვითარების დეპარტამენტის წარმომადგენლებმა დამსწრე საზოგადოებას გაუზიარეს საერთაშორისო გამოცდილება ეროვნული პროფესიული საბჭოების წარმატებული ფუნქციონირების, შრომის ბაზრის პოლიტიკის ფორმირების, საქართველოს პროფესიული განათლების არსებული მდგომარეობის, ეროვნული პროფესიული საბჭოს სამუშაო გეგმისა და თემატური სამუშაო ჯგუფების შესახებ.