“სასკოლო ღონისძიებების სცენარების” მიხედვით სპექტაკლი გაიმართა
საქართველოს განათლებისა და მეცნიერების სამინისტროს ეროვნული სასწავლო გეგმებისა და შეფასების ცენტრის წარმომადგენლები ნ. დუმბაძის სახელობის სახელმწიფო საბავშვო თეატრში სპექტაკლს დაესწრნენ, რომელიც ცენტრში შექმნილი ”სასკოლო სპექტაკლებისა და ღონისძიებების სცენარების” მიხედვით დაიდგა.
”სასკოლო სპექტაკლებისა და ღონისძიებების სცენარები” შეიქმნა სადამრიგებლო საათის პროგრამის ფარგლებში, რომლის მიზანია დაეხმაროს დაწყებითი I-IV კლასების დამრიგებლებს სადამრიგებლო საათის მაქსიმალურად სასარგებლოდ დაგეგმვასა და განხორციელებაში. კრებულში სცენარები კლასების მიხედვითაა დაყოფილი. აღნიშნული სცენარები წარმოადგენს შემოთავაზებას, რომელიც დამრიგებელს შეუძლია საკუთარი გემოვნებისა თუ მოსწავლეთა ინტერესებიდან გამომდინარე შეარჩიოს და დაგეგმოს აქტივობა.
საბავშვო სპექტაკლში თბილისის ბაგა-ბაღის ”ცეროდენას” აღსაზრდელები და კერძო სკოლის ”მწიგნობარი” პირველკლასელები მონაწილეობდნენ.
საქველმოქმედო სპექტაკლს სამაჩაბლოდან და აფხაზეთიდან დევნილი ბავშვები დაესწრნენ.
- მასწავლებელთა სახელფასო პოლიტიკის შესახებ განათლების მინისტრი ბრიფინგს დღეს გამართავს by საქართველოს განათლებისა და მეცნიერების სამინისტრო
- ჩაინიშნა სკოლის დირექტორობის კანდიდატების ტესტირება – ქცევის წესები და დეტალური ინსტრუქცია by საქართველოს განათლებისა და მეცნიერების სამინისტრო
- დაიწყო I-XII კლასების პროგრამის ექსტერნატის ფორმით დაძლევის მსურველთა რეგისტრაცია – ვადები by საქართველოს განათლებისა და მეცნიერების სამინისტრო