თბილისის საბავშვო ბაგა-ბაღებში აღსაზრდელთა რეგისტრაცია ივლისის პირველ რიცხვებში დაიწყება
თბილისის საბავშვო ბაგა-ბაღებში რეგისტრაცია, სავარაუდოდ, ივლისის პირველ რიცხვებში დაიწყება.
როგორც Aris.ge-განათლებას თბილისის საბავშვო ბაგა-ბაღების მართვის სააგენტოს საზოგადოებასთან ურთიერთობის სამსახურის უფროსმა თაკო კვირტიამ განუცხადა, რეგისტრაციის დაწყების ზუსტი თარიღი მთავრობის დადგენილების საფუძველზე უნდა განისაზღვროს.
მისივე თქმით, ახალი სასწავლო წლიდან 159 საჯარო ბაღს შესაძლოა ერთი ბაგა-ბაღიც დაემატოს, თუმცა ეს სამშენებლო სამუშაოების მიმდინარეობაზეა დამოკიდებული.
“გასული წლისგან განსხვავებით, სხვადასხვა ბაღში წელს 60-მდე ახალი ჯგუფი და შესაბამისად, 3500-მდე ადგილი დაემატა. ეს აუთვისებელი ტერიტორიის ხარჯზე მოხდა, თუმცა, რამდენად ეყოფა დამატებული ადგილები ბავშვების რაოდენობას, ძნელი სათქმელია”, – აღნიშნა თაკო კვირტიამ.
რაც შეეხება კერძო ბაგა-ბაღებს, რეგისტრაციის დაწყების თარიღს ისინი ინდივიდუალურად წყვეტენ.
ქეთი არის© გიგოლაშვილი
- „დროულად ამოქმედდეს უფასო, ჯანსაღი სასკოლო კვების პროგრამა!“ – სახალხო დამცველი განათლების მინისტრს by ARIS.GE-განათლება
- ცნობილია რომელ არჩევით საგანზე რამდენი აბიტურიენტი დარეგისტრირდა – გამოცდები 2024 by სიახლეები მისაღებ გამოცდებზე
- რაში მეხმარება მე-12 კლასი – „აბი გლუკოზა აბიტურიენტებისთვის“ გამოკითხვის შედეგები by ARIS.GE-განათლება