სსიპ თბილისის პროფესიული სწავლების ცენტრი “იკაროსი” ლიდერია საქართველოში ტურიზმის განათლების მიწოდებისა და ამ სფეროში მომუშავე პროფესიონალების მომზადებაში.

ცენტრი დაარსდა 2007 წელს. ცენტრის მიზანია ტურიზმის ბიზნესის განვითარების მხარდაჭერა, ტურიზმის ინფრასტრუქტურისა და სერვისების გაუმჯობესების ხელშეწყობით.

ცენტრი დაარსებულია საქართველოს განათლებისა და მეცნიერების სამინისტროს მიერ. ჩვენი პარტნიორები არიან ადგილობრივი და საერთაშორისო ორგანიზაციები, საქართველოში აკრედიტებული საელჩოები, ტურიზმის ბიზნესში მოღვაწე კომპანიები.

ცენტრში მოქმედებს სამი სახელობო საგანმანათლებლო სერტიფიცირებული პროგრამა:

სწავლის ხანგრძლივობა ძირითად პროგრამებზე არის 1 ან 2 წელი. ასევე ვანხორციელებთ სხვადასხავ ტრენინგ კურსებს – დაინტერესებულ პირთა კვალიფიკაციის ამაღლების/პროფესიული განვითარების კურსები და სამოყვარულო კურსები ფართო საზოგადოებისათვის.

კვალიფიკაციის ამაღლების / პროფესიული განვითარების კურსების – ხანგრძლივობა დამოკიდებულია პროგრამაზე (1-3 თვე).

 

სასწავლო პროგრამა არის მოდულარული. შესაძლებელია ცალკეული მოდულების შესწავლაც. სასწავლო კურიკულუმის ძირითადი ნაწილი ეთმობა პრაქტიკულ მეცადინეობებს. თეორიული სწავლება არის ინოვაციური და დაფუძნებულია ინტერაქტიურ სწავლებაზე. სტუდენტები იღებენ როგორც თეორიულ, ისე პრაქტიკულ ცოდნასა და ეუფლებიან უნარ-ჩვევებს.

ჩვენი დევიზია – დასავლური სტანდარტების შესაბამისი სწავლება დასავლურ გარემოში.

“იკაროსი” გთავაზობთ:

ჩვენი კურსდამთავრებულების კვალიფიკაცია აღიარებულია მძლავრი სარესტორნო კომპანიებისა და ისეთი სასტუმრო ბრენდების მიერ, როგორიცაა სასტუმროები “თბილისი მარიოტი”, “ქორთიარდ მარიოტი”, “შერატონ მეტეხი პალასი” და “რედისონ სას ივერია”. ცენტრი თანამშრომლობს 150-მდე კვებისა და სასმელების ობიექტთან და სასტუმროებთან.

საერთაშორისო პროექტები:
 
ცენტრი 2007 – 2009 წლებში მონაწილეობდა რიგ საერთაშორსო პროექტებში: ევრაზიის პროექტი (გრანტი სასწავლო პროგრამების შექმნაზე), ბრიტანეთის საბჭოს პროექტი (ინგლისური ენის სახელმძღვანელოების შექმნა სტუდენტებისათვის, მონაწილეობა საერთაშორისო კონკურსში), ბრიტანეთის საბჭოს გრანტი, რომელიც სასწავლებელმა მოიგო კონკურსის საფუძველზე – Skills&Work აღმოსავლეთ ევროპის ქვეყნებში პროფესიული განათლების ხელშეწყობა. გრანტის ფარგლებში ცენტრის რამოდენიმე პედაგოგმა და ადმინისტრაციის წარმომადგენელმა გაიარა ტრეინინგი შოტლანდიასა და ინგლისში. 2009 წლის ოქტომბერში 6 წარჩინებული სტუდენტი გაცვლითი პროგრამის ფარგლებში 1 თვით მიემგზავრება შოტლანდიაში.

ცენტრი თანამშრომლობს ჰოლანდიურ ორგანიზაციასთან ექსპერტები ნიდერლანდებიდან (PUM), ამერიკის საერთაშორისო განვითარების სააგენტოს (USAID) პროფესიული განათლების განვითარების პროექტთან (VEP), ამერიკის საერთაშორისო განვითარების სააგენტოს მცირე და საშუალო ბიზნესის განვითარების (iesc პროექტთან, ევროპის საგანმანათლებლო ფონდთან (ETF), გერმანიის სახალხო უნივერსიტეტების ასოციაციასთან (DVV International), მიგრაციის საერთაშორისო ორგანიზაციასთან (IOM), საბერძნეთის ტურიზმის სამინისტროსთან, ესტონეთის განათლების სამინისტროსთან, შვეიცარიის ტურიზმისა და სტუმართმიღების სკოლასთან და სხვა საერთაშორისო ორგანიზაციებთან.

“იკაროსი” დღეს:

ცენტრი იღებს შეკვეთებს ბანკეტების, ფურშეტებისა და ღონისძიებების ორგანიზებაზე. გვაქვს კეტერინგით მომსახურება. ჩვენი დამკვეთები და პარტნიორები არიან საქართველოში მოქმედი საელჩოები, საერთაშორისო და ადგილობრივი სამთავრობო და არასამთავრობო ორგანიზაციები, საქართველოს განათლებისა და მეცნიერების სამინისტრო, ტურიზმისა და კურორტების დეპარტამენტი და სხვ.
 
ჩვენი მომსახურების ხარისხი არის მაღალი, ხოლო ფასები ხელმისაწვდომი.
გახდი “იკაროსი” – ს სტუდენტი და მოიპოვე მაღალანაზღაურებადი სამუშაო როგორც საქართველოში ასევე უცხოეთში.

“იკაროსი” გაძლევს შანსს იცხოვრო და მიხვდე რომ სამყარო შენია.