GE

15-16 ივნისს ილიაუნიში სასწავლო პროცესი შეწყდება

ილიაუნიში ქვეყანაში შექმნილი ვითარების გამო 15 და 16 ივნისს სასწავლო პროცესი შეწყდება. ამის შესახებ ინფორმაციას ილიას სახელწიფო უნივერსიტეტი ოფიციალურ გვერდზე ავრცელებს, რომელსაც Aris.ge – განათლება უცვლელად გთავაზობთ:

,,ილიას სახელმწიფო უნივერსიტეტის სტუდენტების საყურადღებოდ!

ქვეყანაში შექმნილი ვითარების გამო, 15 და 16 ივნისს ილიას სახელმწიფო უნივერსიტეტში სასწავლო პროცესი შეწყდება. სასწავლო პროცესი განახლდება ოთხშაბათს, 17 ივნისს. დამატებით ინფორმაციას მიიღებთ არგუსის საშუალებით,”- აღნიშნულია ილიაუნის ოფიციალურ გვერდზე.

ამას გარდა, უნივერსიტეტის ცნობით 14 ივნისს დაგეგმილი ყველა ღონისძიება გადაიდო.

შეგახსენებთ, რომ თბილისში მომხდარი სტიქიის შედეგად დატრიალებული ტრაგედიის გამო 15 ივნისი საქართველოში გლოვის დღედ გამოცხადდა.

დასვით კითხვა და მიიღეთ პასუხი - ედუს საცნობარო სამსახური