2015 წლის სეზონური სკოლების საგრანტო კონკურსის შედეგები გამოქვეყნდა
შოთა რუსთაველის სამეცნიერო ფონდი 2015 წლის სეზონური სკოლების საგრანტო კონკურსის შედეგებს აქვეყნებს.
ფონდის ინფორმაციით, კონკურსის მიზნებია: ახალგაზრდა მეცნიერთათვის და სტუდენტებისათვის სამეცნიერო სეზონური სკოლების/ბანაკების ორგანიზება და არსებულ სეზონურ სკოლათა ფუნქციონირების ხელშეწყობა; ქართული მეცნიერების განვითარების ხელშეწყობა და პოპულარიზაცია; ახალი კადრების მეცნიერებაში მოზიდვა, ახალგაზრდა მეცნიერთა კვალიფიკაციის ამაღლება, კვლევის მეთოდებში ტრენინგის, ტრანსფერული უნარ-ჩვევების განვითარებისა და ინტერდისციპლინური თანამშრომლობის წახალისება; საერთაშორისო თანამშრომლობის წახალისება და საერთაშორისო სამეცნიერო სივრცეში ინტეგრირება.
შოთა რუსთაველის სამეცნიერო ფონდის ცნობით, 2015 სეზონური სკოლების საგრანტო კონკურსში დარეგისტრირდა 13 განაცხადი:
I მიმართულება. საქართველოს შემსწავლელი მეცნიერებების სეზონური სკოლა – 1 განაცხადი;
II მიმართულება. სამეცნიერო სეზონური სკოლა (ეკონომიკური თანამშრომლობისა და განვითარების ორგანიზაციის (OECD) და ევროსტატის (EUROSTAT) კლასიფიკაციის შესაბამისად) – 12 განაცხადი.
საკონკურსო კომისიამ შემოსული განაცხადები შეაფასა საქართველოს განათლებისა და მეცნიერების მინისტრის 2014 წლის 26 ივნისის №77/ნ ბრძანებით დამტკიცებული შეფასების კრიტერიუმების შესაბამისად და დასაფინანსებლად გამოავლინა 11 განაცხადი.
ფონდის გენერალური დირექტორის ბრძანება გამარჯვებული პროექტების დამტკიცების შესახებ
კომისიის მიერ შეფასებული პროექტების რანჟირებული სია.
- შოთა რუსთაველის ფონდი უნივერსიტეტებს სამეცნიერო კვლევებისთვის მხოლოდ 3 მილიონი ლარით დააფინანსებს by შოთა რუსთაველის ეროვნული სამეცნიერო ფონდი
- მეცნიერების შესახებ ინტერნეტარხი „მეცნიერების სამყარო“ შეიქმნება by საქართველოს განათლებისა და მეცნიერების სამინისტრო
- რუსთაველის ეროვნული სამეცნიერო ფონდის გენერალურ დირექტორად ჯაბა სამუშია დაინიშნა by ARIS.GE-განათლება