2018 წლის შემოდგომაზე ორგანიზებული პროფესიული ტესტირების შედეგები ცნობილია

2018 წლის შემოდგომაზე ჩატარებული პროფესიული ტესტირების შედეგები ცნობილია. პროფესიულ პროგრამებზე ჩარიცხვების შესახებ ინფორმაციის მიღება აპლიკანტებს ორი გზით შეუძლიათ:

• ონლაინ რეგისტრირებულ აპლიკანტებს შესაძლებლობა აქვთ შედეგები იხილონ ვებ-გვერდზე vet.emis.ge.
• ასევე ეწვიონ სარეგისტრაციო ცენტრებს.

იმისთვის, რომ აპლიკანტებს დაფინანსება მოეპოვებინათ პროფესიული უნარებისა და საგნის ტესტების მაქსიმალური ჯამური ქულის 25%-ზე მეტი უნდა დაეგროვებინათ.

შეგახსენებთ, რომ პროფესიულ კოლეჯებში სასწავლო პროცესი 26 ნოემბრის ნაცვლად 29 ნოემბერს, ხუთშაბათ დღეს, დაიწყება. პროფესიული საგანმანათლებლო დაწესებულებებში სწავლის დაწყების თარიღის ცვლილება სტუდენტთა რანჟირებული სიების შედგენის გადაწევამ განაპირობა.