აკაკი წერეთლის სახელმწიფო უნივერსიტეტში საერთაშორისო კონფერენცია გაიმართა

აკაკი წერეთლის სახლემწიფო უნივერსიტეტიში საერთაშორისო კონფერენცია გაიმართა. კონფერენციაში მონაწილეობდნენ მომხსენებლები საქართველოს სამთავრობო სტრუქტურებიდან – გარემოს დაცვის სამინისტროდან, უმაღლესი სასწავლებლებიდან – ივ. ჯავახიშვილის სახელობის თბილისის სახელმწიფო, სოხუმის სახელმწიფო, საქართველოს ტექნიკური უნივერსიტეტებიდან და კვლევითი ცენტრებიდან – გეოგრაფიის, ჰიდრომეტეოროლოგიის, გეოფიზიკის ინსტიტუტებიდან.

უცხოეთიდან კონფერენციაში მონაწილეობდნენ უკრაინელი, უნგრელი, შვედი, ირანელი, ესპანელი გეოგრაფები და სოციალური მეცნიერებების მკვლევარები.

კონფერენციაზე წარმოდგენილი კვლევების სფერო საკმაოდ მრავალფეროვანი იყო: მეტეოროლოგია-კლიმატოლოგიის, ჰიდროლოგიის, ლანდშაფტების გეოგრაფიის, გეომორფოლოგიის, ატმოსფეროს, წყლისა და ნიადაგების ეკოლოგიური დაბინძურების პრობლემების, კარტოგრაფიის, ეკოსისტემების ანალიზის, მოსახლეობის გეოგრაფიის, დემოგრაფიის, მიგრაციის კვლევების, სოციალური ქსელებისა და მდგრადი განვითარების, საერთაშორისო სატრანსპორტო დერეფნების, ახლო აღმოსავლეთში მიმდინარე თანამედროვე პრობლემების, არჩევნების გეოგრაფიის, ტურიზმის გეოგრაფიისა და გენდერული კვლევების მიმართულებით.