აწსუ-ის სტუდენტებმა იშემიური ინსულტის რისკისა და პროფილაქტიკის შესახებ გამართულ აქციაში მიიღეს მონაწილეობა

ქუთაისის ცენტრალურ ბაღში რეფერალური ჰოსპიტალის და პროფესორ ზაზა ქაცარავას ინიციატივით ჩატარდა აქცია იშემიური ინსულტის რისკისა და პროფილაქტიკის შესახებ მოსახლეობის განათლების ამაღლების მიზნით.

აქციაში აქტიურად იყვნენ ჩართულები აკაკი წერეთლის სახელმწიფო უნივერსიტეტის მედიცინის ფაკულტეტის სტუდენტები, რომლებიც დაინტერსებულ პირებს აწვდიდნენ სწორ ინფორმაციას ფართოდ გავრცელებული დაავადების დროული მკურნალობის შესახებ. აღნიშნული აქტივობით დაიწყო მოსახლეობის სამედიცინო განათლების პროგრამა – თრომბოლიზისი ინსულტის სამკურნალოდ!