ბათუმში სკოლა-ლიცეუმი მთლიანად დისტანციურ სწავლებაზე გადადის
კორონავირუსის შემთხვევების გამო, ბათუმის სკოლა-ლიცეუმი ,,მასტერკლასი” ხვალიდან მთლიანად დისტანციური სწავლების რეჟიმზე გადავა. კორონავირუსი თავდაპირველად ერთ-ერთ მოსწავლეს დაუდასტურდა, შემდეგ კი პედაგოგს და ორ კოორდინატორს.
სასწავლო დაწესებულებაში ამბობენ, რომ დღეს მოსწავლეები სკოლაში გამოცხადდნენ, თუმცა მეორე ცვლაში გაკვეთილები აღარ ჩატარდება.
სკოლის ადმინისტრაციის განცხადებით, მშობლებს აფრთხილებენ და ხვალიდან საკლასო ოთახებში სწავლის პროცესს შეაჩერებენ. ისინი განათლების სამინისტროსგან შესაბამის ბრძანებას ელოდებიან.
სკოლაში კორონავირუსზე ტესტირებაც ჩატარდა. განათლების სამინისტროში აცხადებენ, რომ სკოლის დისტანციურ რეჟიმზე გადაყვანის პროცედურები დაწყებულია.
წყარო: აჭარის საზოგადოებრივი მაუწყებელი
- შენარჩუნდება თუ არა ახალი სასწავლო წლიდან სკოლებში დისტანციური დასწრების არჩევის შესაძლებლობა? პასუხი ცნობილია by ARIS.GE-განათლება
- კორონავირუსის დადასტურების შემთხვევაში, აპლიკანტი გამოცდაზე 7 დღის განმავლობაში ვერ გავა by სიახლეები მისაღებ გამოცდებზე
- რა შემთხვევაში აიცრებიან მეორე ბუსტერდოზით 12-17 წლის ასაკის პირები – მინისტრის ბრძანება by EDUVID-19