GE

BTU ინფორმაციული სისტემების მართვა – DevOps სამაგისტრო პროგრამებით დაინტერესებულთათვის ვებინარს ჩაატარებს

ბიზნესისა და ტექნოლოგიების უნივერსიტეტი ინფორმაციული სისტემების მართვა – DevOps სამაგისტრო პროგრამებით დაინტერესებული პირებისთვის Devops-ის მიმართულებით ვებინარებს ჩაატარებს.

CyberOps – 23 აპრილი, 19:00-20:00 – კახა ჩხარტიშვილი

მოდერატორი: ნინო გვაზავა, BTU-ს ინფორმაციული სისტემების მართვის კურსის ლექტორი.
დასარეგისტრირებლად ეწვიეთ ბმულს

როგორც უნივერსიტეტში აცხადებენ, ინფორმაციული სისტემების მართვა DevOps ერთ–ერთი ყველაზე მოთხოვნადი პოზიციაა ტექნოლოგიების სფეროში მსოფლიო მასშტაბით, საქართველოში კი მისი სწავლება აკადემიური პროგრამის ფარგლებში პირველად BTU-ში წარიმართება.

ინფორმაციული სისტემების მართვა DevOps პროგრამა მიზნად ისახავს, მოამზადოს საინფორმაციო ტექნოლოგიების, პროგრამული ინჟინერიის, ავტომატიზაციისა და ოპერაციული სისტემების სიღრმისეული ცოდნის მქონე პროფესიონალი. პროგრამა აქტუალურია იმდენად, რამდენადაც DevOps-ის სპეციალისტები, გარდა ტექნოლოგიების დანერგვის შესაძლებლობებისა, პასუხისმგებელი არიან ოპერაციების გაუმჯობესების მიზნით ბიზნესპროცესების ავტომატიზაციაზე, რაც მსოფლიო მასშტაბით წარმოადგენს მზარდ მიმართულებას. DevOps-ის ინჟინრები ქმნიან და მართავენ ინფორმაციული ტექნოლოგიების სტრუქტურას და უზრუნველყოფენ მომხმარებელთა მხარდაჭერას. კომპანიის ინფრასტრუქტურის უსაფრთხოების გაუმჯობესების მიზნით მათ შეუძლიათ თანამშრომლობა უსაფრთხოებისა და ექსპლუატაციის ჯგუფებთან.

DevOps-ის მიმართულებით ჯგუფები იზრდება ისეთ წამყვან კომპანიები, როგორებიცაა: Amazon, Netflix, Adobe, Sony Pictures, Target, Walmart, Facebook, Etsy, Nordstrom, Fidelity Worldwide Investment.

პროგრამაზე მიღება მოხდება 2021-2022 სასწავლო წელს, საერთო სამაგისტრო და შიდა საუნივერსიტეტო გამოცდების შედეგად. პროგრამის განხორციელებაში ჩართულები არიან ტექნოლოგიების სექტორში არსებული მსხვილი ორგანიზაციების ტოპ მენეჯმენტი, პროფესორები საერთაშორისო გამოცდილებით და მოწვეული ლექტორები კომპანიების DevOps დეპარტამენტებიდან.

პროგრამის კურსდამთავრებული შეძლებს დასაქმებას წამყვან საინფორმაციო-საკომუნიკაციო კომპანიებში, ფინანსურ დაწესებულებებში, საბანკო და სადაზღვევო სექტორში, სამრეწველო, სატელეკომუნიკაციო, კავშირგაბმულობისა და სატრანსპორტო კომპანიებში, კომპუტერული და ელექტრონიკის სავაჭრო და მომსახურების კომპანიებსა და ასევე ორგანიზაციებში, სადაც ხორციელდება მონაცემთა ცენტრალიზებული დამუშავება. გარდა ამისა, პროგრამის კურსდამთავრებულებს ექნებათ შესაძლებლობა, დასაქმდნენ სამართალდამცავ სტრუქტურებში, საჯარისო ნაწილებში, საგანგებო სიტუაციების მართვის ცენტრებში, უშიშროების, დაზვერვისა და სხვა სპეც. სამსახურებში.

დამატებითი ინფორმაცია პროგრამის შესახებ იხილეთ ბმულზე.
პროგრამით დაინტერესებულ კანდიდატთა რეგისტრაცია მიმდინარეობს ბმულზე.

დასვით კითხვა და მიიღეთ პასუხი - ედუს საცნობარო სამსახური
ბიზნესისა და ტექნოლოგიების უნივერსიტეტში