CIU ინტელექტკლილუბმა 2022 წლის გაზაფხულის სეზონი „რა? სად? როდის?“ სპორტული ჩემპიონატის ფინალით დახურა
16 ივნისს კავკასიის საერთაშორისო უნივერსიტეტის ინტელექტკლილუბმა 2022 წლის გაზაფხულის სეზონი „რა? სად? როდის?“ სპორტული ჩემპიონატის ფინალით დახურა.
ტურნირი საქართველოს ინტელექტკლუბის პრეზიდენტის, გიორგი მოსიძის მისალმებით გაიხსნა, რომელმაც ასევე „ონლაინ მატრიცაში“ გამარჯვებულები გამარჯვებულები დააჯილდოვა: 1 ადგილი – ნანა კორტავა; 2 ადგილი – ლაშა სვინტრაძე; 3 ადგილი – გიორგი გვილია.
„რა? სად? როდის? ფინალურ თამაშს სტუმრის სტატუსით ესწრებოდა პოლიტიკის მეცნიერებათა მკვლევარი, მარიამ გოგუა, რომელმაც გუნდებს სიმბოლურად ერთი კითხვა დაუსვა.
ფინალური ტური 36 კითხვისგან შედგებოდა, სეზონის საერთო ქულებით კი საპრიზო სამეული გამოვლინდა: 1 ადგილი – „ბრაჰმანების კასტა“ (კაპიტანი – მარიტა შეშელიძე); მეორე ადგილის გამოსავლენად დამატებითი კითხვების სერია გახდა საჭირო, სადაც „ნიკემ“ (კაპიტანი – ნანა კორტავა) „ჰიდრას“ ( კაპიტანი – ირაკლი ხეჩიკაშვილი) აჯობა.
გარდა პირველი სამეულისა, გამოვლინდნენ გამარჯვებილები სხვადასხვა ნომინაციაში: საუკეთესო ფაკულტეტი – სოციალურ მეცნიერებათა; სეზონის აღმოჩენა გუნდი – „აკომა“ (კაპიტანი – ლილე ქურასბედიანი); საუკეთესო კაპიტანი – მარიტა შეშელიძე; საუკეთესო მოთამაშე – ავთანდილ ბიწაძე.
გამარჯვებულები ინტელექტკლიბისგან წიგნებით, სერთიფიკატებით, სუვენირული საჩუქრებითა და ფულადი პრიზებით დაჯილდოვდნენ.
ცნობისთვის, გაზაფხულის სეზონზე ინტელექტკლუბმა 20-მდე სხვადასხვა ტიპის ქვიზი, ვიქტორინა თუ სხვა ინტელექტურალური აქტივობა ჩაატარა, რომელშიც ჩართული იყვნენ როგორც ქართველი, ისე უცხოელი სტუდენტები
- CIU-ში ფსიქოლოგ ზურა მხეიძის საჯარო ლექცია გაიმართა by კავკასიის საერთაშორისო უნივერსიტეტი
- CIU-ს სტუდენტი გიორგი ხუჭუა სამბოში საქართველოს ჩემპიონი გახდა by კავკასიის საერთაშორისო უნივერსიტეტი
- CIU აცხადებს X, XI და XII კლასის მოსწავლეთა მიღებას სასკოლო-საგანმანათლებლო პროექტში – კამათის ხელოვნება by კავკასიის საერთაშორისო უნივერსიტეტი