GE

CIU-ში საერთაშორისო სამეცნიერო კონფერენცია ჰიბრიდული ფორმატით გაიმართება

22-23 ივნისს კავკასიის საერთაშორისო უნივერსიტეტის (CIU) საერთაშორისო სამეცნიერო კონფერენცია – „თანამედროვე სამართლის გამოწვევები“, ჰიბრიდული ფორმატით გაიმართება.

კონფერენციაზე, რომელიც 22 ივნისს 10:00 საათზე გაიხსნება, მისასალმებელი სიტყვით წარდგებიან: პროფესორი კახაბერ კორძაია – კავკასიის საერთაშორისო უნივერსიტეტის რექტორი; პროფესორი მინდია უგრეხელიძე – კავკასიის საერთაშორისო უნივერსიტეტის სამართლის სადოქტორო პროგრამის ხელმძღვანელი, საქართველოს იუსტიციის მინისტრის მრჩეველი, CIU-ს ემერიტუსი პროფესორი; პროფესორი გიორგი ხატიძე – კავკასიის საერთაშორისო უნივერსიტეტის სამართლის ფაკულტეტის დეკანი; პროფესორი სესილი გოგიბერიძე – კავკასიის საერთაშორისო უნივერსიტეტის სამეცნიერო კვლევების დეპარტამენტის უფროსი; პროფესორი ზვიად გაბისონია – კავკასიის საერთაშორისო უნივერსიტეტის კანცლერის მრჩეველი მეცნიერების და ინოვაციების საკითხებში.

კონფერენცია შედგება ორი პანელისაგან: საჯარო სამართალი ( სექციები: საჯარო სამართალი; სისხლის სამართალი; საერთაშორისო სამართალი) და კერძო სამართალი (ბიზნეს სამართალი; ტექნოლოგიების სამართალი; სამოქალაქო სამართალი).

იხილეთ კონფერენციის პროგრამა.

ჩატარების ადგილი: კავკასიის საერთაშორისო უნივერსიტეტი, თბილისი, ჩარგლის ქ. 73; აუდიტორია: 101

საკონტაქტო პირები:
ანანო წივწივაძე – CIU-ს საზოგადოებასთან ურთიერთობის სამსახურის უფროსი
ტელ: 599 563 455
თამარ კენჯია – CIU-ს საზოგადოებასთან ურთიერთობის სამსახურის სპეციალისტი
ტელ: 557 60 35 68

უნივერსიტეტის სხვა ამბები

დასვით კითხვა და მიიღეთ პასუხი - ედუს საცნობარო სამსახური