ევროპის უნივერსიტეტში მასწავლებლის მომზადების საგანმანათლებლო პროგრამაზე საბუთების მიღება იწყება
ევროპის უნივერსიტეტში, მასწავლებლის მომზადების 60 კრედიტიან საგანმანათლებლო პროგრამაზე საბუთების მიღება იწყება.
2021-2022 სასწავლო წლის შემოდგომის სემესტრში მასწავლებლის მომზადების 60 კრედიტიან საგანმანათლებლო პროგრამაზე საბუთები მიიღება 15 სექტემბრიდან – 23 სექტემბრის (10:00 – 18:00 საათი) ჩათვლით, ევროპის უნივერსიტეტის ადმინისტრაციულ კორპუსში (მის. გურამიშვილის #76, პირველი სართული).
მიღება გამოცხადებულია შემდეგ მიმართულებებზე:
- დაწყებითი საფეხურის (I-VI) ქართული ენისა და ლიტერატურის მასწავლებელი;
- დაწყებითი საფეხურის (I-VI) მათემატიკის მასწავლებელი;
- საბაზო-საშუალო საფეხურის (VII-XII) ისტორიის მასწავლებელი;
- საბაზო-საშუალო საფეხურის (VII-XII) სამოქალაქო განათლების მასწავლებელი;
- საბაზო-საშუალო საფეხურის (VII-XII) გეოგრაფიის მასწავლებელი;
- დაწყებითი საფეხურის (I-VI) ბუნებისმეტყველების მასწავლებელი;
- დაწყებითი, საბაზო და საშუალო საფეხური (I- XII) ინგლისური ენა.
მასწავლებლის მომზადების საგანმანათლებლო პროგრამაზე ჩარიცხვის მსურველ პირთა მიერ წარმოსადგენი დოკუმენტაციის ნუსხა:
- განცხადება რექტორის სახელზე (ივსება უნივერსიტეტში ადგილზე);
- რეზიუმე (CV);
- უმაღლესი განათლების დამადასტურებელი დოკუმენტის (დიპლომის) ნოტარიულად დამოწმებული ასლი (არანაკლებ ბაკალავრის ან მასთან გათანაბრებული აკადემიური ხარისხი);
- ეროვნული სასწავლო გეგმის შესაბამისი საგნის გამოცდის ჩაბარების დამადასტურებელი დოკუმენტი (საგამოცდო ბარათი);
- ორი ფოტო 3×4 და CD-დისკზე ჩაწერილი;
- სამხედრო აღრიცხვას დაქვემდებარებული პირებისთვის სამხედრო აღრიცხვაზე ყოფნის დამადასტურებელი დოკუმენტი;
- პირადობის დამადასტურებელი დოკუმენტის ასლი.
- “ევროპის უნივერსიტეტსა” და “ჰორიზონტი ევროპას” საქართველოს ეროვნულ ოფისს შორის სამუშაო შეხვედრა გაიმართა by ევროპის უნივერსიტეტი
- “ევროპის უნივერსიტეტსა” და “ბალკანეთის საერთაშორისო უნივერსიტეტს” შორის თანამშრომლობის მემორანდუმი გაფორმდა by ევროპის უნივერსიტეტი
- „ევროპის უნივერსიტეტის“ ქორეოგრაფიულმა ანსამბლმა თოვლის ფრენბურთში ევროპის ჩემპიონატი გახსნა by ევროპის უნივერსიტეტი