ყველაფერი განათლებისთვის და განათლებიდან | edu.aris.ge https://edu.aris.ge/news Sat, 31 Jul 2021 08:00:05 +0000 en-US hourly 1 https://wordpress.org/?v=4.9.9 ყოველ წელს კერძო სკოლების ვაუჩერს ჟურნალების ღირებულების თანხა დაკლდება https://edu.aris.ge/news/yovel-wels-kerdzo-skolebis-vauchers-jurnalebis-girebulebis-tanxa-dakldeba.html https://edu.aris.ge/news/yovel-wels-kerdzo-skolebis-vauchers-jurnalebis-girebulebis-tanxa-dakldeba.html#respond Sat, 31 Jul 2021 08:00:05 +0000 https://edu.aris.ge/news/?p=113828 ყოველ წელს კერძო სკოლებზე გასაცემ ვაუჩერს თანხა დააკლდება. ცვლილება საქართველოს მთავრობის დადგენილებაში, პრემიერ-მინისტრ ირაკლი ღარიბაშვილის ხელმოწერით შევიდა.

როგორც 27 ივლისს გამოქვეყნებულ დოკუმენტშია აღნიშნული, ყოველ წელს კერძო სკოლებზე გასაცემი ვაუჩერის ოდენობას დააკლდება ზოგადსაგანმანათლებლო დაწესებულებებში მოსწავლეთა გაკვეთილზე დასწრების აღრიცხვის ჟურნალების ბეჭდვისა და აკინძვის ღირებულების პროპორციული თანხა.

ჟურნალის ღირებულების დაკლება სამინისტროს შესაბამის ტერიტორიულ ორგანოს – საგანმანათლებლო რესურსცენტრსა და კერძო სკოლას შორის გაფორმებული ზოგადსაგანმანათლებლო დაწესებულებებში მოსწავლეთა გაკვეთილზე დასწრების აღრიცხვის ჟურნალების მიღება-ჩაბარების აქტის საფუძველზე მოხდება.

ბრძანების სრული ვერსია იხილეთ აქ.

ამავე თემაზე:

რა თანხა გამოეყოფათ სკოლებს დამატებით მოსწავლის ვაუჩერული დაფინანსების ფარგლებში – დადგენილება

საჯარო სკოლის სამედიცინო კაბინეტში დასაქმებულის ანაზღაურება 470 ლარი იქნება

]]>
https://edu.aris.ge/news/yovel-wels-kerdzo-skolebis-vauchers-jurnalebis-girebulebis-tanxa-dakldeba.html/feed 0
რომელი კატეგორიის პედაგოგები დაემატა სტატუსის დანამატის მიმღებთა ჩამონათვალს – ცვლილება განათლების მინისტრის ბრძანებაში https://edu.aris.ge/news/romeli-kategoriis-pedagogebi-daemata-statusis-danamatis-mimgebta-chamonatvals-cvlileba-ganatlebis-ministris-brdzanebashi.html https://edu.aris.ge/news/romeli-kategoriis-pedagogebi-daemata-statusis-danamatis-mimgebta-chamonatvals-cvlileba-ganatlebis-ministris-brdzanebashi.html#respond Sat, 31 Jul 2021 06:00:53 +0000 https://edu.aris.ge/news/?p=113983 საჯარო სკოლების მასწავლებელთა შრომის ანაზღაურების მინიმალური ოდენობისა და პირობების დადგენის თაობაზე“ ბრძანებაში განათლებისა და მეცნიერების მინისტრმა ცვლილებები შეიტანა, რომელის თანახმადაც სტატუსის დანამატის მიმღებთა ჩამონათვალს განსაკუთრებული ღვაწლის მქონდე პედაგოგები დაემატა. ბრძანების ახალი ვერსია 30 ივლისს გამოქვეყნდა.

დოკუმენტის ახალ ვერსიაში, სქემით განსაზღვრული შესაბამისი სტატუსის დანამატის მიმღებ პედაგოგთა ნუსხაში შემდეგი ჩანაწერი გაჩნდა:

„განსაკუთრებული პედაგოგიური გამოცდილების და მიღწევების მქონე ღვაწლმოსილ მასწავლებელს ან/და ზოგად განათლებაში განსაკუთრებული დამსახურების მქონე მასწავლებელს, რომელსაც საქართველოს განათლებისა და მეცნიერების მინისტრის (შემდგომ – მინისტრი) ინდივიდუალური ადმინისტრაციულ-სამართლებრივი აქტით მინიჭებული აქვს „მასწავლებლის პროფესიული განვითარებისა და კარიერული წინსვლის სქემის დამტკიცების შესახებ“ საქართველოს მთავრობის 2019 წლის 23 მაისის №241 დადგენილებით დამტკიცებული „მასწავლებლის პროფესიული განვითარებისა და კარიერული წინსვლის სქემით“ განსაზღვრული ერთ-ერთი სტატუსი და ასწავლის ეროვნული სასწავლო გეგმით გათვალისწინებულ  საგანს/საგნებს.“

ცვლილებების სრული ვერსია იხილეთ ბმულზე.

2021-2022 სასწავლო წლის მეორე სემესტრის დაწყებამდე პრაქტიკოს მასწავლებლებს კომპეტენციის დადასტურების ახალი შესაძლებლობა მიეცათ

]]>
https://edu.aris.ge/news/romeli-kategoriis-pedagogebi-daemata-statusis-danamatis-mimgebta-chamonatvals-cvlileba-ganatlebis-ministris-brdzanebashi.html/feed 0
2021 წლის გამოცდების ძირითადი სესიები დღეს დასრულდება https://edu.aris.ge/news/2021-wlis-gamocdebis-dziritadi-sesiebi-dges-dasruldeba.html https://edu.aris.ge/news/2021-wlis-gamocdebis-dziritadi-sesiebi-dges-dasruldeba.html#respond Fri, 30 Jul 2021 13:31:20 +0000 https://edu.aris.ge/news/?p=114029 30 ივლისს გამოცდების ძირითადი სესიები საერთო სამაგისტრო გამოცდით დასრულდება. როგორც შეფასებისა და გამოცდების ეროვნული ცენტრის მიერ დღეს გავრცელებულ ინფორმაციაში ვკითხულობთ, დამატებითი სესიების ჩატარების თაობაზე ინფორმაცია ეტაპობრივად გამოქვეყნდება.

დამატებითი საგამოცდო სესიები დანიშნულია იმ გამოსაცდელებისათვის, რომლებსაც კოვიდინფექცია დაუდასტურდათ და ამის გამო ვერ შეძლეს გამოცდაზე გასვლა. თითოეულ საგამოცდო საგანში დამატებით შეიძლება დაინიშნოს მხოლოდ ერთი სესია.

უკვე განსაზღვრულია თარიღები იმ აბიტურიენტებისათვის, რომლებმაც ვერ შეძლეს ქიმიის, ფიზიკის, ზოგადი უნარების, გეოგრაფიის, ბიოლოგიის, ლიტერატურისა და სახვითი და გამოყენებითი ხელოვნების გამოცდებზე დასწრება, მათთვის დამატებითი სესიები პირველ და 2 აგვისტოს ჩატარდება.

აბიტურიენტთა ნაშრომების გასწორების პროცესი უკვე დაწყებულია. შედეგების გამოქვეყნება ეტაპობრივად, აგვისტოს პირველი ნახევრიდან დაიწყება.

შეფასებისა და გამოცდების ეროვნული ცენტრი კიდევ ერთხელ შეახსენებს აბიტურიენტებს, რომ სარეგისტრაციო განაცხადში საგანმანათლებლო პროგრამების მითითებისა და შეცვლის საშუალება მათ აპელაციების შედეგების გამოქვეყნებიდან მომდევნო დღის ჩათვლით ექნებათ.

2021 წელს ერთიანი ეროვნული გამოცდებისათვის რეგისტრაცია 38 400-ზე მეტმა აბიტურიენტმა გაიარა; სტუდენტთა საგრანტო კონკურსში მონაწილეობის სურვილი 3 700-ზე მეტმა სტუდენტმა გამოთქვა; საერთო სამაგისტრო გამოცდისათვის 12 800-ზე მეტი მაგისტრანტობის კანდიდატი დარეგისტრირდა. მასწავლებლის საგნის გამოცდაზე, უფროსი სპეციალური მასწავლებლის გამოცდაზე, ასევე საგნობრივი და პროფესიული კომპეტენციების დასადასტურებლად რეგისტრაცია 28 700-ზე მეტმა მსურველმა გაიარა.

გაწევრიანდი ჯგუფში “აბი გლუკოზა აბიტურიენტებისთვის” და გაიგე ყველა საჭირო სიახლე

განახლებადი ინფორმაცია გამოცდების შესახებ

]]>
https://edu.aris.ge/news/2021-wlis-gamocdebis-dziritadi-sesiebi-dges-dasruldeba.html/feed 0
მინისტრის მოადგილე: სასწავლო წლის დისტანციურად დაწყებას არ გამოვრიცხავთ https://edu.aris.ge/news/ministris-moadgile-saswavlo-wlis-distanciurad-dawyebas-ar-gamovricxavt.html https://edu.aris.ge/news/ministris-moadgile-saswavlo-wlis-distanciurad-dawyebas-ar-gamovricxavt.html#respond Fri, 30 Jul 2021 13:06:39 +0000 https://edu.aris.ge/news/?p=113944 2021-2022 სასწავლო წლის დისტანციურ ფორმატში დაწყებას არ გამორიცხავს განათლებისა და მეცნიერების მინისტრი ნუნუ მიცკევიჩი, თუმცა მისთვის ვაქცინაციის ტემპი, სწავლის აუდიტორიებსა და საკლასო ოთახებში განახლების იმედს იძლევა.

როგორც მიცკევიჩი განმარტავს, სამინისტრო ხელს უწყობს ვაქცინაციის პროცესს, თუმცა უწყება, ვერ დაავალდებულებს მოქალაქეებს აცრას.

“ამ ეტაპზე ვაქცინაციის დღიურ მაჩვენებლებს, შესაბამისი უწყების სტატისტიკურ მაჩენებლებზე დაყრდნობით, იმედით ვუყურებთ. ვინც ვერ ახერხებს დარეგისტრირებას, არის ცალკე სიები შემდგარი, თუკი ისინი მოგვმართავენ, ჩვენ ვეხმარებით. ჩვენ მაქსიმალურად ვუწყობთ ხელს ვაქცინაციის პროცესს, რომ ეს იყოს გამართული და დღეს მაჩვენებლებით, ქვეყნის შიგნით, რასაკვირველია ეს გახლავთ განათლების სეგმენტის ბენეფიციარებიც, რომლებიც იცრებიან. იმედი გვაქვს, რომ სასწავლო წლის დასაწყისში იქნებიან ვაქცინირებულები – სხვადასხვა უმაღლეს სასწავლებელში სხვადასხვა პროცენტია, ამის ზუსტი მაჩვენებლების დასახელება გაგვიჭირდება. თუმცა ტემპი, რომელიც ქვეყნის მასშტაბით არის, სადაც (კიდევ ერთხელ ვადასტურებ) ჩართული არიან, მასწავლებლები, პროფესორ-მასწავლებლები და სტუდენტები, იმის იმედს გვაძლევს,  განვიხილავთ, რომ სასწავლო წელი დაიწყოს (შენობებში)”, – განაცხადა მინისტრის მოადგილემ “რუსთავი 2”-ის ეთერში.

კითხვას, შესაძლებელია, თუ არა, რომ საჭირო გახდეს დისტანციური სწავლება, მინისტრის მოადგილე ასე პასუხობს:

“რასაკვირველია, არ გამორიცხავთ, აბსოლიტურად დამოკიდებულები ვართ ეპიდემიოლოგიურ მაჩვენებლებზე ქვეყნის შიგნით, ჩვენ ამისთვის მზად ვართ და იცით, რომ ყველანაირი ელექტრონული რესურსი მომზადებულია, „ტელესკოლა“ გამართულია”.

ამავე თემაზე:

„კარგი იქნება, თუ განათლების სექტორში იმუნიზაცია სავალდებულო გახდება“

გამყრელიძე: „თუ აგვისტოში გავაკეთებთ მილიონ აცრას 15 სექტემბერს შევხვდებით უსაფრთხო სკოლით“

]]>
https://edu.aris.ge/news/ministris-moadgile-saswavlo-wlis-distanciurad-dawyebas-ar-gamovricxavt.html/feed 0
„კარგი იქნება, თუ განათლების სექტორში იმუნიზაცია სავალდებულო გახდება“ https://edu.aris.ge/news/kargi-iqneba-tu-ganatlebis-seqtorshi-imunizacia-savaldebulo-gaxdeba.html https://edu.aris.ge/news/kargi-iqneba-tu-ganatlebis-seqtorshi-imunizacia-savaldebulo-gaxdeba.html#respond Fri, 30 Jul 2021 12:44:33 +0000 https://edu.aris.ge/news/?p=114009 იაშვილის სახელობის თბილისის ბავშვთა საავადმყოფოს ხელმძღვანელ და იმუნიზაციის საბჭოს წევრ ივანე ჩხაიძის თქმით, კოვიდ 19-ის საწინააღმდეგო იმუნიზაციის საკითხში პრიორიტეტულია სამედიცინო პერსონალის და საგანმანათლებლო სფეროში დასაქმებული პირების ვაქცინაცია და კარგი იქნება, თუ ეს მათთვის სავალდებულო გახდება. ამის შესახებ ექიმმა 30 ივლისს, “რუსთავი 2”-ის ეთერში განაცხადა.

„ჩვენ წინა სხდომებზეც გვქონდა ამ საკითხზე მსჯელობა, ყველა შემთხვევაში ორი ჯგუფი ადამიანების არის ჩვენი აზრით პრიორიტეტული, ეს არის, რა თქმა უნდა, სამედიცინო პერსონალი და უნდა იყოს სავალდებულო სამედიცინო პერსონალისთვის ვაქცინაცია და ასევე კარგი იქნება, თუ სავალდებულო გახდება განათლების სექტორში. მასწავლებლები დახვდებიან მოსწავლეებს ვაქცინირებული, არამარტო მასწავლებლები, ყველა ადამიანი, ვინც იღებს განათლების პროცესში მონაწილეობას. ჯერ-ჯერობით ეს ორი სფეროა, თუმცა გადაწყვეტილება იქნება თუ არა სავალდებულო, მიღებული არ არის, მაგრამ თუ მიღებული იქნება, ვფიქრობთ, რომ ეს ძალინ მნიშვნელოვანი ნაბიჯი იქნება და დააჩქარებს ვაქცინაციის პროცესს“, – ამბობს ივანე ჩხაიძე.

გამყრელიძე: „თუ აგვისტოში გავაკეთებთ მილიონ აცრას 15 სექტემბერს შევხვდებით უსაფრთხო სკოლით“

]]>
https://edu.aris.ge/news/kargi-iqneba-tu-ganatlebis-seqtorshi-imunizacia-savaldebulo-gaxdeba.html/feed 0
„თუ აგვისტოში გავაკეთებთ მილიონ აცრას 15 სექტემბერს შევხვდებით უსაფრთხო სკოლით“ https://edu.aris.ge/news/tu-agvistoshi-gavaketebt-milion-acras-15-seqtembers-shevxvdebit-usafrtxo-skolit.html https://edu.aris.ge/news/tu-agvistoshi-gavaketebt-milion-acras-15-seqtembers-shevxvdebit-usafrtxo-skolit.html#respond Fri, 30 Jul 2021 10:45:59 +0000 https://edu.aris.ge/news/?p=113970 დაავადებათა კონტროლის ეროვნული ცენტრის ხელმძღვანელ ამირან გამყრელიძის თქმით,  სასწავლო პროცესის დაწყებამდე, აგვისტოს თვეში, თუკი ქვეყანაში მილიონი ადამიანი აიცრება, 15 სექტემბერს სწავლა უსაფრთხო გარემოში დაიწყება.

ამის შესახებ გამყრელიძემ, 30 ივლისს, იმუნიზაციის საბჭოს სხდომის დასრულების შემდეგ განაცხადა.

„ჩვენი სლოგანი უსაფრთხო სკოლები, უსაფრთხო უნივერსიტეტები, შემოდგომაზე ეს ნიშნავს, რომ სკოლის მასწავლებელთა და არამარტო ისინი, მანდატურები, დამხმარე პერსონალი, ვინც არიან სკოლებში, 60-70% უნდა იყოს აცრილი. ისევე როგორც უნივერსიტეტებში – სტუდენტები და პროფესორ მასწავლებლების 60-70%, თუ გვინდა რომ ვიყოთ უსაფრთხოდ. გარკვეული მარათონი გავაკეთოთ ჩავერთვებით ჩვენც NCDC, ჩვენთან 60% უკვე არის აცრილი. მე არა მაქვს უფლება სკოლების ხელმძღვანელებს, ან ვინმეს რამე დავავალო მე მხოლოდ მოვუწოდებ. ყველაფერი შესაძლებელია თუ მოვინდომებთ, თუ აგვისტოში გავაკეთებთ მილიონ აცრას, რა თქმა უნდა, შესაძლებელია, რომ 15 სექტემბერს შევხვდეთ უსაფრთხო სკოლით“, – განაცხადა ამირან გამყრელიძემ.

დაავადებათა კონტროლის ეროვნული ცენტრის ხელმძღვანელი მიესალმება თბილისის სახელმწიფო სამედიცინო უნივერსიტეტის გადაწყვეტილებას, რომელმაც სტუდენტებს, მომავალი სასწავლო წლისთვის აუდიტორიაში დაშვების წინაპირობად კოვიდ საწინააღმდეგო აცრის ჩატარება მოსთხოვა.

„სახელმწიფო სამედიცინო უნივერსიტეტმა სტუდენტებს გაუგზავნა გარკვეული ინფორმაცია, რომ შემდგომი სასწავლო წლიდან სავალდებულო გახდება ვაქცინაცია, წინააღმდეგ შემთხვეავში ისინი დაშვებულები არ იქნებიან აუდიტორიებში და კლინიკურ ლაბორატორიებში“ – ჟურნალისტის ამ რეპლიკაზე ამირან გამყრელიძის პასუხი შემდეგი იყო:

„სახელმწიფო სამედიცინო უნივერსიტეტი არის ჩემი ალმა-მატერი, ეს არის ჩემი უნივერსიტეტი, სადაც ვსწავლობდი და სადაც ვასწავლიდი 25 წლის განმავლობაში. მისასალმებელია თუ ამ სასწავლებელმა ასეთი გადაწყვეტილება მიიღო, რადგან აქ მედიკოსები იზრდებიან. პირველ რიგში ჩვენ უნდა ვიყოთ მაგალითები და უნდა გავაკეთოთ ერთგვარი მარათონი, სად მეტი ადამიანი აიცრება”, – განაცხადა ამირან გამყრელიძემ.

]]>
https://edu.aris.ge/news/tu-agvistoshi-gavaketebt-milion-acras-15-seqtembers-shevxvdebit-usafrtxo-skolit.html/feed 0
„როცა 10 წლიანი გეგმა 3 წლისთვისაც არაამბიციურია, როცა იგნორირებას უკეთებ მთავარ გამოწვევებს“ https://edu.aris.ge/news/roca-10-wliani-gegma-3-wlistvisac-araambiciuria-roca-ignorirebas-uketeb-mtavar-gamowvevebs.html https://edu.aris.ge/news/roca-10-wliani-gegma-3-wlistvisac-araambiciuria-roca-ignorirebas-uketeb-mtavar-gamowvevebs.html#respond Fri, 30 Jul 2021 10:00:58 +0000 https://edu.aris.ge/news/?p=113974 ილიას სახელმწიფო უნივერსიტეტის ასოცირებული პროფესორი, განათლების სპეციალისტი, მანანა რატიანი განათლების სამინისტროს 10-წელიანი სტრატეგიის წარდგენას ეხმაურება და პრეზენტაციის შემდეგ გაჩენილი ასოციაციის შესახებ წერს:

განათლების 10 წლიანი გეგმის წარდგენით ინსპირირებული:

“- თუ შეიძლება მითხარით, რომელ გზას უნდა დავადგე?
– ეს დამოკიდებულია იმაზე, თუ სად გინდა მოხვდე!
– თუ შენთვის სულ ერთია საით წახვიდე, ყოველთვის აღმოჩნდები იქ სადაც არ გინდა“

როცა 10 წლიანი გეგმა 3 წლისთვისაც არაამბიციურია, როცა იგნორირებას უკეთებ მთავარ გამოწვევებს, როცა ახალი კადრების მოზიდვაზე სისტემაში და კვალიფიციური კადრების შენარჩუნებაზე არაფერს ამბობ, როცა 2 წლის კოვიდის პირობებში მიღებულ დანაკარგს თვალს არ უსწორებ, როცა დირექტორები კვლავ მოვალეობის შემსრულებლები არიან, როცა ავტონომიურობის გაზრდა და დეცენტრალიზაცია მხოლოდ სტრატეგიებში ჩაწერილი შეუსრულებელი მისიაა, როცა მიღებულ გამოცდილებას უგულებელყოფ, როცა 21-ე საუკუნის გლობალურ გამოწვევებს ვერ აღიქვამ და ვერც პასუხობ, როცა გეგმავ მხოლოდ იმას, რასაც ისედაც აკეთებდი ჩნდება კითხვა – დანინგ-კრუგერის ეფექტის საწყისი სტადიის თავდაჯერებულობასთან გვაქვს საქმე თუ კეროლის ალისას გზააბნეულობასთან?”, – წერს მანანა რატიანი და პოსტს ამ ფოტოს ურთავს:

შეგახსენებთ, რომ მანანა რატიანი არაერთი წლის განმავლობაში მასწავლებელთა პროფესიული განვითარების ეროვნული ცენტრის დირექტორის მოადგილის თანამდებობას იკავებდა.

 

]]>
https://edu.aris.ge/news/roca-10-wliani-gegma-3-wlistvisac-araambiciuria-roca-ignorirebas-uketeb-mtavar-gamowvevebs.html/feed 0
„Erasmus პროგრამის ამოქმედება უკვე პროფესიული განათლების საფეხურზეც იგეგმება“ https://edu.aris.ge/news/erasmus-programis-amoqmedeba-ukveprofesiuli-ganatlebis-safexurzecigegmeba.html https://edu.aris.ge/news/erasmus-programis-amoqmedeba-ukveprofesiuli-ganatlebis-safexurzecigegmeba.html#respond Fri, 30 Jul 2021 09:39:21 +0000 https://edu.aris.ge/news/?p=113937 განათლების და მეცნიერების მინისტრ მიხეილ ჩხენკელის თქმით, პროფესიული განათლების ინტერნაციონალიზაციის კუთხით, უცხოურ სასწავლებლებთან ერთად, გაცვლითი და ერთობლივი პროგრამები განხორციელდება. ამის შესახებ მან, 30 ივლისს, განათლებისა და მეცნიერების 10 წლიან სტრატეგიის წარდგენისას ისაუბრა.

„იგეგმება Erasmus პროგრამის ამოქმედება უკვე პროფესიული განათლების საფეხურზე. განვითარდება ექსელენს-ცენტრები (CoE) და საერთაშორისო სასწავლებლები, რომლებიც შეძლებენ უცხოელი სტუდენტების მოზიდვას. სასწავლებლებში ამოქმედდება უცხოური ენის ცენტრები. გაცვლითი პროგრამები შეთავაზებული იქნება როგორც სტუდენტებისთვის, ასევე მასწავლებლებისთვის“, – განაცხადა მიხეილ ჩხენკელმა.

მინისტრმა აღნიშნა, რომ პრემიერ-მინისტრის ინიციატივით, სასწავლო პროცესში უცხოელი მასწავლებლები ჩაერთვებიან. დაინერგება პროფესიული მასწავლებლის განვითარების ახალი მოდელი. მისივე თქმით, მასწავლებლის საათობრივი ანაზღაურება, რომელიც ბოლო რამდენიმე წელიწადში 3-ჯერ გაიზარდა, კვლავ გაიზრდება.

პროფესიულ კოლეჯებში სწავლების საშუალებებსა და მეთოდებთან დაკავშირებით მიხეილ ჩხენკელმა განაცხადა, რომ დაინერგება ციფრული და შერეული სწავლების მიდგომები, ასევე გაგრძელდება სახელოსნოებისა და პრაქტიკული სასწავლო სივრცეების მოდერნიზაცია. გაგრძელდება კერძო-საჯარო პარტნიორობით, რეალურ სამუშაო გარემოში სწავლების მასშტაბის ზრდა, დუალური სწავლების მოდელის დანერგვაზე განსაკუთრებული აქცენტით. პრიორიტეტულია კოლეჯების ბაზაზე სამეწარმეო ეკოსისტემის განვითარება, რაც, თავის მხრივ, მცირე ბიზნესის განვითარებას შეუწყობს ხელს.

განათლებისა და მეცნიერების სამინისტროს ათწლიანი გეგმის თანახმად, ქვეყანაში პროფესიული განათლების ბიუჯეტმა, 2030 წლისთვის, 730 მლნ ლარს უნდა მიაღწიოს.

]]>
https://edu.aris.ge/news/erasmus-programis-amoqmedeba-ukveprofesiuli-ganatlebis-safexurzecigegmeba.html/feed 0
„უკლებლივ ყველა სკოლა ავტორიზაციას 2026-2027 სასწავლო წლის დაწყებამდე გაივლის“ – მინისტრი https://edu.aris.ge/news/uklebliv-yvela-skola-avtorizacias-2026-2027-saswavlo-wlis-dawyebamde-gaivlis-ministri.html https://edu.aris.ge/news/uklebliv-yvela-skola-avtorizacias-2026-2027-saswavlo-wlis-dawyebamde-gaivlis-ministri.html#respond Fri, 30 Jul 2021 09:23:04 +0000 https://edu.aris.ge/news/?p=113942 უკლებლივ ყველა სკოლა გაივლის ავტორიზაციას – განაცხადა საქართველოს განათლებისა და მეცნიერების მინისტრმა მიხეილ ჩხენკელმა, დღეს, 30 ივლისს, განათლების 10-წლიანი გეგმის წარდგენისას და დაგვპირდა, რომ ამ დროისთვის სკოლების ინტერნეტიზაცია და მატერიალურ-ტექნიკური აღჭურვაც დასრულებული იქნება.

„ზოგადი განათლების რეფორმის პროცესი სრულ შესაბამისობაში მოდის ავტორიზაციის ახალ სტანდარტთან. პირველად საქართველოს განათლების ისტორიაში, უკლებლივ ყველა სკოლა გაივლის ავტორიზაციას. პროცესი 2026-2027 სასწავლო წლის დაწყებამდე დასრულდება“, – დააანონსა მინისტრმა.

როგორც მიხეილ ჩხენკელმა აღნიშნა, 2026 წლისთვის საქართველოს მასშტაბით ყველა სკოლა ინფრასტრუქტურულად გამართული იქნება. აგრეთვე, 2026 წლისთვის ყველა საჯარო სკოლაში დასრულდება ინტერნეტიზაციისა და მატერიალურ-ტექნიკური აღჭურვის პროცესი და სკოლებში მოეწყობა თანამედროვე სპორტული ინფრასტრუქტურა.

ცნობისთვის, სკოლების ავტორიზაციის პროცესი არაერთხელ გადავადდა და 2020-2021 სასწავლო წლის ნაცვლად, 2026-2027 წლამდე დასრულდება. მიზეზად, სკოლების მიერ სტანდარტის დაუკმაყოფილებლობა სახელდება. თუმცა გამორიცხული არ არის, რამდენჯერმე გადადებული პროცესი, 2026-2027 წლამდეც არ დასრულდეს და ვადამ კვლავ გადაიწიოს.

ავტორიზაციის პროცესის წარმატებით გავლისთვის ზოგადსაგანმანათლებლო დაწესებულება ადამიანური რესურსის დადგენილ სტანდარტსაც უნდა აკმაყოფილებდეს. პირველ რიგში კი, სკოლებს სასწავლო გეგმით განსაზღვრული სასწავლო პროცესის შესაბამისი ადამიანური რესურსი უნდა ჰყავდეს და მუდმივ რეჟიმში უნდა ცდილობდეს მათ პროფესულ განვითარებას.

ამავე თემაზე: 

როგორი უნდა გახდეს განათლების დაფინანსება მთავრობის 10-წლიანი სტრატეგიის თანახმად – დაპირებული ციფრები

„საბჭოთა კავშირის დანგრევის შემდეგ, ძალიან დიდი ზიანი მივაყენეთ განათლების სისტემას“

]]>
https://edu.aris.ge/news/uklebliv-yvela-skola-avtorizacias-2026-2027-saswavlo-wlis-dawyebamde-gaivlis-ministri.html/feed 0
როგორი უნდა გახდეს განათლების დაფინანსება მთავრობის 10-წლიანი სტრატეგიის თანახმად – დაპირებული ციფრები https://edu.aris.ge/news/rogori-unda-gaxdes-ganatlebis-dafinanseba-mtavrobis-10-wliani-strategiis-tanaxmad-dapirebuli-cifrebi.html https://edu.aris.ge/news/rogori-unda-gaxdes-ganatlebis-dafinanseba-mtavrobis-10-wliani-strategiis-tanaxmad-dapirebuli-cifrebi.html#respond Fri, 30 Jul 2021 08:02:40 +0000 https://edu.aris.ge/news/?p=113933 საქართველოს მთავრობამ დღეს განათლებისა და მეცნიერების 10-წლიანი სტრატეგიის პრეზენტაცია გამართა. მინისტრმა მიხეილ ჩხენკელმა განათლების მომავალზე საფეხურების (სკოლამდელი, ზოგადი, უმაღლესი, პროფესიული და ცალჯკე მეცნიერება ავტ.) შესაბამისად ისაუბრა, თუმცა კონკრეტიკა ნაკლები მივიღეთ. გავიგეთ რომ განათლებაში დასაქმებული პირების (მასწავლებლები, ადმინისტრაცია) ანაზღაურება ეტაპობრივად გაიზრდება თუმცა ვადები და ოდენობა არ დასახელებულა.

გავიგეთ ისიც, რომ განათლების ყველა მიმართულებაში დაფინანსება მოიმატებს, წლები არც ამ შემთხვევაში დასახელებულა, თუმცა შეგვიძლია ვნახოთ რას დაგვპირდა მთავრობა და განათლების მინისტრი 2021 წლის 30 ივლისს და მომავალში გავიგოთ როდის შესრულდება სტრატეგიის ეს ნაწილები:

ზოგადი განათლება:

როგორც მიხეილ ჩხენკელმა აღნიშნა, მთავრობის გადაწყვეტილებით, ზოგადი განათლების რეფორმის განსახორციელებლად მომდევნო წლებში მნიშვნელოვნად გაიზრდება სფეროს დაფინანსება და 2030 წელს ზოგადი განათლების ბიუჯეტი 2 მილიარდ 230 მილიონ ლარს გადააჭარბებს.

პროფესიული განათლება:

განათლების სამინისტრის მიერ მოწოდებული რელიზი კი გვამცნობს, რომ საქართველოს განათლებისა და მეცნიერების სამინისტროს ათწლიანი გეგმით, პროფესიული განათლების ბიუჯეტი 2030 წლისთვის 730 მლნ ლარს მიაღწევს.

უმაღლესი განათლება:

განათლების მინისტრი მიიჩნევს, რომ რეფორმის შედეგად ქვეყანას ექნება კიდევ უფრო დახვეწილი უმაღლესი განათლების სისტემა, რაც უაღრესად მნიშვნელოვანია. გეგმის განსახორციელებლად კი, ეტაპობრივად გაიზრდება უმაღლესი განათლების ბიუჯეტი, რომელიც 2030 წლისთვის 270 მლნ ლარს მიაღწევს.

მეცნიერება:

“სამინისტროს ხედვით, განხორციელდება არაერთი სამეცნიერო ინფრასტრუქტურული პროექტი. შეიქმნება საერთაშორისო სტანდარტების ახალი სამეცნიერო ლაბორატორიები. ინფრასტრუქტურული პროექტებისათვის ყოველწლიურად ზრდადი დაფინანსება 2030 წლისთვის 30 მილიონ ლარს მიაღწევს, ხოლო მეცნიერებისთვის გამოყოფილი ჯამური ბიუჯეტი 243 მილიონი ლარი იქნებ”, – აცხადებს განათლებისა და მეცნიერების მინისტრი მიხეილ ჩხენკელი.

EDU.ARIS.GE – განათლების სამინისტროსგან მინისტრის მიერ წარდგენილი პრეზენტაციის ოფიციალურ დოკუმენტს ელის, რომელსაც მისი მიღებისთანავე გაგიზიარებთ.

„საბჭოთა კავშირის დანგრევის შემდეგ, ძალიან დიდი ზიანი მივაყენეთ განათლების სისტემას“

]]>
https://edu.aris.ge/news/rogori-unda-gaxdes-ganatlebis-dafinanseba-mtavrobis-10-wliani-strategiis-tanaxmad-dapirebuli-cifrebi.html/feed 0