„ბიზნეს ინკუბატორის“ გახსნა კავკასიის საერთაშორისო უნივერსიტეტში

9 ივნისს კავკასიის საერთაშორისო უნივერსიტეტის მიერ ორგანიზებულ პროექტში – „ბიზნეს ინკუბატორი“ – 6 საუკეთესო გუნდი გამოვლინდა, რომლებიც ექვსთვიან ბიზნეს ინკუბაციის პროცესში ჩაერთვებიან.

პროექტის პირველ ეტაპზე 53 მონაწილე დარეგისტრირდა, სადაც 12 ბიზნეს იდეა გამოიკვეთა, საბოლოოდ კი 6 ბიზნესს იდეა ფინალურ ეტაპზე გადავიდა:

ყურძნის ზეთის ქარხანა (კაპიტანი – ნიკოლოზ ხატიაშვილი);
პლასტმასის გადამამუშავებელი მინიქარხანა (კაპიტანი – ოთარ ჯაიანი);
ინოვაციური ფოტოლინზა (კაპიტანი – თამთა ჯაჯანიძე);
ინოვაციური სათბური (კაპიტანი – თორნიკე ჭიჭინაძე);
საუნივერსიტეტო ტურისტული კომპანია (კაპიტანი – სალომე მანძულაშვილი);
ლოკოკინების ბიზნესი (კაპიტანი – გიორგი კაპანაძე).
აღსანიშნავია, რომ „ბიზნეს ინკუბატორის“ პროექტი უკვე მეორედ ტარდება, სადაც მონაწილეობა კსუ-ს ნებისმიერი ფაკულტეტის სტუდენტს შეუძლია. პროექტი მიზნად ისახავს სტუდენტებისგან ბიზნეს იდეების შერჩევას, უნივერსიტეტში შეძენილი ცოდნის პრაქტიკულ გამოყენებასა და შესაბამისი მოდელების ჩამოყალიბებას, სადაც გამარჯვებული გუნდები ფინანსდებიან.

კავკასიის საერთაშორისო უნივერსიტეტი