GIPA-ში განსხვავებული ღია კარის დღე აბიტურიენტების დასაჩუქრებით დასრულდა
GIPA-ს ღია კარის დღე – MADE IN GIPA და COLDPLAY-ს ბილეთები აბიტურიენტებისთვის.
11 მარტს, MOMA-ში GIPA-ს განსხვავებული ღია კარის დღე – “MADE IN GIPA” გაიმართა. ღონისძიებაზე უნივერსიტეტში არსებული პროგრამების გარდა, წარმოდგენილი იყო წლების განმავლობაში GIPA-ს მიერ შექმნილი სხვადასხვა ინტელექტუალური თუ მატერიალური პროდუქტი.
გამოფენის ვიზუალურ ნაწილზე აუდიო-ვიზუალური და მედია ხელოვნების საბაკალავრო პროგრამის სტუდენტებმა იზრუნეს; სტუდენტების ჩართულობა მნიშვნელოვნად განაპირობებს GIPA-ს მიერ ორგანიზებული ღონისძიებების წარმატებას, სწორედ ამიტომ მადლიერების გამოხატვისა და წახალისების მიზნით, სხვადასხვა პროგრამის სტუდენტები დაჯილდოვდნენ სპეციალური სერტიფიკატებით GIPA-ს აქტივობებში შეტანილი განსაკუთრებული
წვლილისთვის.
ღონისძიების კულმინაცია კი, აბიტურიენტებისთვის შეპირებული წამახალისებელი გათამაშება იყო. მოსულ სტუმრებს გააცნეეს ACT-ის მიერ 2016 წელს ჩატარებულ კვლევას, რომლის მიხედვითაც თავისუფალ დროს ახალგაზრდების 79% მუსიკის მოსმენას ანიჭებს უპირატესობას (იხ. ბმული http://act-global.com/ka/news/leisure/). სწორედ ამიტომ, მათი წახალისების მიზნით, მათ გაათამაშეს დღესდღეობით ახალგაზრდებში ყველაზე მოთხოვნადი პოპ-ჯგუფის “COLDPLAY”-ს კონცერტის ბილეთები.
იღბლიანი აბიტურიენტები ლიზა ბაქრაძე და ანა ქიღლაძე არიან, ისინი ზაფხულში გერმანიაში გაემგზავრებიან. ანა სოციალური მეცნიერებების საბაკალავრო პროგრამაზე აბარებს, ლიზა კი – ბიზნესის ადმინისტრირების საბაკალავრო პროგრამაზე.
უნივერსიტეტი წარმატებებს უსურვებს მათ ერთიან ეროვნულ გამოცდებზე და სექტემბერში ველოდებით მათ უკვე GIPA-ს სტუდენტების სტატუსით.
- სკოლის მოსწავლეებისა და სტუდენტებისთვის ჯიპა კონკურსს აცხადებს by ARIS.GE-განათლება
- ორმაგი ხარისხი და ორი დიპლომი GIPA-ს ბიზნესის ადმინისტრირების პროგრამის სტუდენტებისთვის by საქართველოს საზოგადოებრივ საქმეთა ინსტიტუტი
- GIPA-ს ტრენინგებისა და კონსტულაციების ცენტრი ევროპის ტრენინგ ორგანიზაციების წევრი გახდა by საქართველოს საზოგადოებრივ საქმეთა ინსტიტუტი