GE

გორის უნივერსიტეტში ციფრული ინჟინერიის STEM“ კლუბის მონაწილეთა შესარჩევი ტესტირება ჩატარდა

28 ნოემბერს გორის სახელმწიფო უნივერსიტეტში ჩატარდა „ციფრული ინჟინერიის STEM“ კლუბის მონაწილეთა შესარჩევი ტესტირება, რომელშიც მონაწილეობა მიიღო გორისა და გორის რაიონის საჯარო და კერძო სკოლების საბაზო და საშუალო საფეხურის მოსწავლეებმა.

ტესტირების პროცესს მეთვალყურეობას უწევდნენ განათლების, ზუსტ და საბიუნებისმეტყველო მეცნიერებათა ფაკულტეტის ინფორმატიკის საბაკალავრო და ზოგადი განათლების დაწყებითი საფეხურის მასწავლებლის მომზადების ინტეგრირეული საბაკალავრო-სამაგისტრო საგანმანათლებლო პროგრამის სტუდენტები.

თითოეულ მონაწილეს მიღებული შედეგები დაეგზავნებათ ელექტრონულ ფოსტაზე არაუგვიანეს 2 დეკემბრის. შერჩეული მოსწავლეები კი 7 დეკემბრიდან ჩაერთვებიან საკლუბო მუშაობაში, რომელსაც უხელმძღვანელებს განათლებისა და მეცნიერების სამინისტროს STEM მიმართულების საგნობრივი ექსპერტი, გორის სახელმწიფო უნივერსიტეტის მოწვეული სპეციალისტი მარეხ მაზანაშვილი.

დასვით კითხვა და მიიღეთ პასუხი - ედუს საცნობარო სამსახური