ილიაუნიმ პარტნიორ ორგანიზაციებთან ერთად სტუდენტებისთვის ინოვაციური სტარტაპების ბანაკი გამართა

29 ნოემბრიდან 2 დეკემბრამდე ყვარელში (იუსტიციის სასწავლო ცენტრი) გაიმართა ინოვაციური სტარტაპების ბანაკი სტუდენტებისთვის.

პროექტს ახორციელებს ილიას სახელმწიფო უნივერსიტეტი პარტნიორ ორგანიზაციებთან ერთად, ესენია: ოლდრიჯის მეწარმეობის ინსტიტუტი, ჯეოლაბი, ინოვაციური განათლების ფონდი და ედისონი.

ბანაკის ორგანიზატორი საქართველოს ინოვაციების და ტექნოლოგიების სააგენტოა, რომელიც მსოფლიო ბანკის ,,ეროვნული ინოვაციური ეკოსისტემის პროექტის’’ ფარგლებში ხორციელდება.

ბანაკის მიზანია ხელი შეუწყოს ქართველ ახალგაზრდებში STEAM-ის (მეცნიერება, ტექნოლოგია, ინჟინერია, ხელოვნება-დიზაინი, მათემატიკა) შესახებ ცნობადობის ამაღლებას, რათა მათ უკეთ შეძლონ კარიერის დაგეგმვა.

ლექციები ძირითადად დაეთმო ხელოვნური ინტელექტის, რობოტიქსის, ინტერნეტის, ფინტექის საკითხებს. ადგილობრივი და უცხოელი გამოცდილი მენტორების დახმარებით სტუდენტები გუნდურად იმუშავეს ინოვაციური ტექნოლოგიური იდეების შექმნაზე.

ბანაკში საქართველოს ყველა რეგიონის 30 სტუდენტმა მიიღო მონაწილეობა. ისინი შეირჩნენ ბიზნესის, საინფორმაციო ტექნოლოგიებისა და კომპიუტერული ინჟინერიის პროგრამებიდან.