ილიაუნის პროფესორ მალხაზ სონღულაშვილს ტოლერანტობის კულტურის დამკვიდრებაში შეტანილი წვლილისთვის საერთაშორისო ჯილდო გადაეცა
2022 წლის 25 მაისს კატარის სახელმწიფოს დედაქალაქ დოჰაში ინტერრელიგიური დიალოგის საერთაშორისო კონფერენციაზე მალხაზ სონღულაშვილს, ილიას სახელმწიფო უნივერსიტეტის პროფესორს შედარებით თეოლოგიასა და რელიგიის კვლევებში, გადაეცა საერთაშორისო ჯილდო ინტერრელიგიური დიალოგისთვის.
დოჰას ინტერრელიგიური დიალოგის საერთაშორისო ცენტრმა (DICID) გამარჯვებულებს ჯილდო გადასცა ტოლერანტობის კულტურის დამკვიდრებაში შეტანილი წვლილისთვის, სიძულვილის ენასთან ბრძოლაში მათი დამსახურების და რელიგიათაშორის თანხმობის ხელშეწყობისთვის.
ილიას სახელმწიფო უნივერსიტეტი ულოცავს ბატონ მალხაზ სონღულაშვილს საერთაშორისო ჯილდოს და ინტერრელიგიური დიალოგის ხელშეწყობაში მისი დამსახურების აღიარებას.
- ილიაუნიში საგანმანათლებლო ფორუმი „კლიმატის ცვლილების ბუნებრივი/კოსმოსური და ადამიანური ფაქტორები“ გაიმართა by ილიას სახელმწიფო უნივერსიტეტი
- „გააძლიერეთ კავშირი უნივერსიტეტთან“ – ილიაუნის კანცლერის რჩევები პროფესიული განვითარებისთვის by ილიას სახელმწიფო უნივერსიტეტი
- ნინო დობორჯგინიძე 1978 წლის 14 აპრილის ქრონიკას იხსენებს (ვიდეო) by ილიას სახელმწიფო უნივერსიტეტი