„ისარგებლე სწავლის სრული დაფინანსებით და მიიღე სტიპენდია“ – როგორია ეროვნული თავდაცვის აკადემიაში მიღების პირობები

“მიიღე 21-ე საუკუნის შესაბამისი განათლება, ისწავლე თანამედროვე ტექნოლოგიებით აღჭურვილ გარემოში, ისარგებლე სწავლის სრული დაფინანსებით და მიიღე სტიპენდია”, – აღნიშნულია ეროვნული თავდაცვის აკადემიის მიერ გავრცელებულ განცხადებაში.

ეროვნული თავდაცვის აკადემიაში ბაკალავრიატის საგანმანათლებლო პროგრამებზე მიიღებიან:

• 24 წლამდე აბიტურიენტები, რომლებიც დარეგისტრირდებიან 2021 წლის ერთიანი ეროვნული გამოცდებისათვის და რეგისტრაციისას აირჩევენ აკადემიის ბაკალავრიატის საგანმანათლებლო პროგრამა/პროგრამებს;
• აბიტურიენტები, რომლებიც 7 აპრილიდან 16 ივნისის ჩათვლით წარმატებით გაივლიან აკადემიის შიდა შესარჩევ ტურებს.

საბაკალავრო საგანმანათლებლო პროგრამების მიმოხილვა და აკადემიის შიდა შესარჩევი ტურების შესახებ დეტალური ინფორმაცია იხილეთ ეროვნული თავდაცვის აკადემიის ვებგვერდზე.