კორონავირუსის ახალი დადასტურებული შემთხვევები ბათუმის მე-3 და მე-8 საჯარო სკოლებში
ბათუმის საჯარო სკოლებში დღეს კორონავირუსის კიდევ ორი შემთხვევა დაფიქსირდა.
COVID-19 მესამე და მერვე საჯარო სკოლის მოსწავლეებს დაუდასტურდათ. კლასები დისტანციურ სწავლაზე გადავიდა.
ბათუმის რესურსცენტრის უფროსის თქმით, სკოლებში დამატებითი შეზღუდვები არ იგეგმება, შიდა გავრცელების შემთხვევაში კი, მხოლოდ კონკრეტული სკოლა დაიხურება.
“მართალია გარკვეული შემთხვევები ფიქსირდება, მაგრამ არა მგონია, იყოს საგანგაშო რაოდენობა. ამის გათვალისწინებით, სკოლების სრულად დახურვა არ განიხილება. ისევ ჯანდაცვის რეკომენდაციით ვხელმძღვანელობთ და მხოლოდ კლასებს დავხურავთ, შიდა გავრცელების შემთხვევაში კი მხოლოდ კონკრეტულ სკოლას”, – თქვა EDU.ARIS.GE-სთან საუბარში ბათუმის რესურსცენტრის უფროსმა გოჩა დავითაძემ.
ცალკეული შემთხვევების დაფიქსირების გამო ბათუმში დღესდღეისობით სულ 12 კლასია დისტანციურ სწავლებაზე.
სრულად დაიხურა კერძო სკოლა “მასტერკლასი” და მე-14 საჯარო სკოლა.
- შენარჩუნდება თუ არა ახალი სასწავლო წლიდან სკოლებში დისტანციური დასწრების არჩევის შესაძლებლობა? პასუხი ცნობილია by ARIS.GE-განათლება
- კორონავირუსის დადასტურების შემთხვევაში, აპლიკანტი გამოცდაზე 7 დღის განმავლობაში ვერ გავა by სიახლეები მისაღებ გამოცდებზე
- რა შემთხვევაში აიცრებიან მეორე ბუსტერდოზით 12-17 წლის ასაკის პირები – მინისტრის ბრძანება by EDUVID-19