კსუ-ში სტუდენტების პროექტის „მოდი და დაათვალიერე საქართველო!“ პრეზენტაცია გაიმართა
14 ივნისს, კსუ-ს ბიზნესის ფაკულტეტის სტუდენტების პროექტის პრეზენტაცია გაიმართა – „მოდი და დაათვალიერე საქართველო!“.
პროექტი ითვალისწინებს კავკასიის საერთაშორისო უნივერსიტეტის უცხოელ სტუდენტებს გააცნონ საქართველოს სხვადასხვა კუთხე, გაუმარტივონ მათ ამ ადგილებზე სტუმრობა და დაეხმარონ დაგეგმონ მოგზაურობა ზაფხულის არდადეგების განმავლობაში.
პროექტის ხელმძღვანელია კსუ-ს მოწვეული პროფესორი, განათლების მეცნიერებების დოქტორი – ნინო თვალჭრელიძე.
როგორც უნივერსიტეტში აღნიშნავენ, პრეზენტაციამ განსაკუთრებული ინტერესი გამოიწვია კსუ-ს უცხოელ სტუდენტებში, რომლებმაც მზადყოფნა გამოთქვეს საქართველოს სხვადასხვა კუთხის მონახულებისთვის და შესაბამისი კონტაქტები დაამყარეს პროექტის ავტორებთან, უახლოეს მომავალში კი კონკრეტული ტურებიც დაიგეგმება.
პროექტის პრეზენტაციის დასასრულს, კსუ-ს ენების ცენტრმა პროექტის 11 მონაწილე, ბრიტანული საერთაშორისო სასწავლო ცენტრის (e.t.i) ინგლისური ენის ერთთვიანი მოსამზადებელი კურსით დაასაჩუქრა.
- CIU-ს სტუდენტი გიორგი ხუჭუა სამბოში საქართველოს ჩემპიონი გახდა by კავკასიის საერთაშორისო უნივერსიტეტი
- CIU აცხადებს X, XI და XII კლასის მოსწავლეთა მიღებას სასკოლო-საგანმანათლებლო პროექტში – კამათის ხელოვნება by კავკასიის საერთაშორისო უნივერსიტეტი
- კავკასიის საერთაშორისო უნივერსიტეტმა „ნატოს კვირეულს“ უმასპინძლა by კავკასიის საერთაშორისო უნივერსიტეტი