მასწავლებელთა გამოცდები 2018 – რომელ საგანზე რამდენი პირი დარეგისტრირდა
2018 წლის მასწავლებელთა კომპეტენციის დადასტურებისა და საგნის გამოცდაზე ყველაზე მეტი აპლიკანტი (3 710) დაწყებითების გამოცდაზე დარეგისტრირდა, ყველაზე ცოტა – 24 კი, ტრადიციულად, ფრანგული ენის გამოცდაზე. პროფესიული უნარების გამოცდას კი, რომელიც გასული წლიდან ისევ ტარდება, 10 028 აპლიკანტი ჩააბარებს. პროფესიული უნარების გამოცდის ჩაბარების ვალდებულება მხოლოდ მოქმედ პედაგოგებს აქვთ, მათ, ვისაც ეს გამოცდა გასულ წლებში არ ჩაუბარებია.
შეფასებისა და გამოცდების ეროვნული ცენტრის მონაცემებით ჯამში მასწავლებელთა გამოცდაზე ამ ეტაპისთვის 28 003 აპლიკანტია დარეგისტრირებული. აქედან ნაწილი უკვე მოქმედი მასწავლებელია, რომელთაც კომპეტენციის დადასტურება სურთ, ნაწილი კი პროფესიაში შესვლის მსურველი.
პედაგოგთა გამოცდაზე რეგისტრაცია 30 აპრილს დასრულდა, თუმცა როგორც შეფასებისა და გამოცდების ეროვნულ ცენტრში განმარტავენ, გამოცდებამდე აპლიკანტთა რაოდენობა შესაძლოა, შეიცვალოს.
„რეგისტრაციის დასრულების მიუხედავად, მასწავლებელთა გამოცდის ჩაბარების მსურველების მხრიდან ამ ეტაპზეც შემოდის განაცხადები, ისინი განიხილება კომისიის მიერ და თუ კომისია უფლებას მისცემს გამოცდაზე დაუშვას გამონაკლისის სახით, აღნიშნული მონაცემები შესაძლოა შეიცვალოს“, – აცხადებს შეფასებისა და გამოცდების ეროვნული ცენტრის წარმომადგენელი.
EDU.ARIS.GE შეფასებისა და გამოცდების ეროვნული ცენტრის მიერ მოწოდებულ ინფორმაციაზე დაყრდნობით გთავაზობთ მონაცემებს, თუ რომელ საგანზე რამდენი აპლიკანტია დარეგისტრირებული:
დაწყებითი (I-VI) – 3 710;
ინგლისური ენა – 1 770;
მათემატიკა (I – VI) – 1 445;
ქართული ენა და ლიტერატურა (I-VI) – 1347;
ისტორია – 1 009;
მათემატიკა (VII – XII)– 979;
ქართული ენა და ლიტერატურა ( VII – XII) – 972;
ბუნებისმეტყველება – 755;
სპორტი – 689;
სამოქალაქო განათლება – 648;
მუსიკა – 622;
გეოგრაფია – 559;
ფიზიკა – 526;
ბიოლოგია – 523;
სახვითი და გამოყენებითი ხელოვნება – 493;
ინფორმაციული და საკონუმიკაციო ტექნოლოგიები – 465;
ქიმია – 461.
რუსული – 457;
ქართული, როგორც მეორე ენა – 421;
გერმანული – 100;
ფრანგული – 24;
პროფესიული უნარები – 10 028;
აღსანიშნავია, რომ პედაგოგთა გამოცდა ქართულ, აზერბაიჯანულ, სომხურ და რუსულ ენებზე ტარდება. გამოცდების ცენტრის მიერ მოწოდებული მონაცემებით, აზერბაიჯანულ ენაზე გამოცდას 497 აპლიკანტი აბარებს, რუსულ ენაზე – 149; ხოლო სომხურ ენაზე – 567 აპლიკანტი.
ამავე თემაზე:
პედაგოგთა დამხმარე სახელმძღვანელოები გამოცდებისთვის
მოამზადა გვანცა ღვედაშვილმა
- საქართველოდან უცხოეთში დისტანციურად მიღებული უმაღლესი განათლება აღიარდება – პარლამენტმა განხილვები დაიწყო by ARIS.GE-განათლება
- რა ცოდნასა და უნარებს შეიძენს სტუდენტი მენეჯმენტის საბაკალავრო და სამაგისტრო პროგრამაზე სწავლისას – სტანდარტი დამტკიცდა by ARIS.GE-განათლება
- სკოლებში მანდატურის სამსახურმა ფსიქოლოგებისა და სოციალური მუშაკების შესარჩევი კონკურსი გამოაცხადა – რეგიონების სია და ინსტრუქცია მსურველებისთვის by საგანმანათლებლო დაწესებულების მანდატურის სამსახური