მოსწავლეებს ფსიქოლოგიური კონსულტაციის მიღება ონლაინ შეუძლიათ – სპეციალური ვებგვერდი სრულად ამოქმედდა
საქართველოს სკოლის მოსწავლეები ფსიქოლოგიური კონსულტაციის მიღებას ონლაინ შეძლებენ.
როგორც EDU.ARIS.GE-ს განათლებისა და მეცნიერების სამინისტროში დაუზუსტეს, პლათფორმით სარგებლობა შეეძლებათ როგორც საჯარო, ისე კერძო სკოლის მოსწავლეებსაც.
საგანმანათლებლო დაწესებულების მანდატურის სამსახურის ფსიქოსოციალური მომსახურების ცენტრში ახალი ვებგვერდი – befriend.mes.gov.ge – დღეიდან სრულად ამოქმედდა და საჭიროების შემთხვევაში, სკოლის მოსწავლეებსა და მათთან დაკავშირებულ სუბიექტებს ფსიქოლოგიურ კონსულტაციას გაუწევს.
,,ერთჯერადი კონსულტაციის გაწევის შემდეგ, ფსიქოლოგი, საჭიროების შემთხვევაში, მომსახურების მიმღებს ფსიქოსოციალური მომსახურების ცენტრის სხვა სერვისებსაც შესთავაზებს“, – ვკითხულობთ განათლებისა და მეცნიერების სამინისტროს მიერ 18 ოქტომბერს მოწოდებულ ინფორმაციაში.
ვებგვერდი აქამდე სატესტო რეჟიმში ფუნქციონირებდა, უკვე დღეიდან მისი მოხმარება სამუშაო დღეებში, 09:00 საათიდან 18:00 საათამდე იქნება შესაძლებელი.
ასევე იხილეთ:
- მასწავლებელთა სახელფასო პოლიტიკის შესახებ განათლების მინისტრი ბრიფინგს დღეს გამართავს by ARIS.GE-განათლება
- საკადრო ცვლილებები განათლების სამინისტროს მსხვილბიუჯეტიან უწყებაში by საქართველოს განათლებისა და მეცნიერების სამინისტრო
- მასწავლებლის ეროვნული პრემიის ფარგლებში განაცხადების მიღება 22 აპრილიდან დაიწყება by საქართველოს განათლებისა და მეცნიერების სამინისტრო