პედაგოგებში დადასტურებული კორონავირუსის გამო, ქობულეთის კიდევ ორი სკოლა დაიკეტა
ქობულეთში კორონავირუსის შემთხვევების გამო სოფელ წყავროკასა და დაგვას საჯარო სკოლები დაიკეტა.
რესურსცენტრის ხელმძღვანელის განცხადებით, ვირუსი ორ პედაგოგს დაუდასტურდა.
სოფელ წყავროკას საჯარო სკოლის დირექტორის თქმით, მასწავლებელს კოვიდი გეგმური ტესტირების ფარგლებში სამშაბათს დაუდასტურდა. ამ ეტაპზე ყველა პედაგოგი იზოლაციაშია გადასული. სკოლა კი ეპიდემიოლოგების რეკომენდაციით 12 დღით დაიკეტა.
სოფელ წყავროკას სასწავლო დაწესებულება, დისტანციურ სწავლებაზე მეორედ გადავიდა. რამდენიმე კვირის წინ მასწავლებლის ინფიცირების გამო სკოლა დახურეს.
სოფელ დაგვას საჯარო სკოლის დირექტორის განმარტებით, კორონავირუსი პედაგოგს 20 აპრილს დაუდასტურდა. მას მაღალი ტემპერატურა ჰქონდა. მაია კიკნაძის თქმით, მასწავლებელი ორშაბათს სკოლაში იყო და შესაძლებელია, მას კონტაქტიც ჰქონოდა, საბაზო და საშუალო საფეხურის კლასების ბავშვებთან. დაგვას საჯარო სკოლაში 260 მოსწავლე ირიცხება.
ქობულეთში სულ 6 სკოლაა დაკეტილი.
წყარო: აჭარის საზოგადოებრივი მაუწყებელი
- შენარჩუნდება თუ არა ახალი სასწავლო წლიდან სკოლებში დისტანციური დასწრების არჩევის შესაძლებლობა? პასუხი ცნობილია by ARIS.GE-განათლება
- კორონავირუსის დადასტურების შემთხვევაში, აპლიკანტი გამოცდაზე 7 დღის განმავლობაში ვერ გავა by სიახლეები მისაღებ გამოცდებზე
- რა შემთხვევაში აიცრებიან მეორე ბუსტერდოზით 12-17 წლის ასაკის პირები – მინისტრის ბრძანება by EDUVID-19