პროკურატურამ სკოლის ფულის მითვისების ფაქტზე ყოფილი ბუღალტერი დააკავა
„სკოლის საბანკო ანგარიშიდან საკუთარ ანგარიშზე გადარიცხა და მიითვისა დიდი ოდენობით – 142 629,7 ლარი, რომელიც აზარტულ თამაშებში და სხვადასხვა კომერციულ და გასართობ ობიექტებში გამოიყენა“, – ასეთია გამოძიებით დადგენილი გარემოება ადიგენის მუციციპალიტეტის სოფელ დარცელის საჯარო სკოლის ყოფილი ბუღალტერის შესახებ, რომელიც საქართველოს პროკურატურამ დააკავა.
როგორც პროკურატურის მიერ 18 მაისს გავრცელებულ ინფორმაციაში ვკითხულობთ, გამოძიება განათლების სამინისტროს მიმართვის საფუძველზე დაიწყო და საქმეზე მოპოვებული მტკიცებულებებით დადგინდა, რომ სოფელ დერცელის საჯარო სკოლის ყოფილი ბუღალტერი 2019-2021 წლებში, სკოლის საბანკო ანგარიშიდან თანხებს საკუთარ ანგარიშზე რიცხავდა.
სკოლის ყოფილ ბუღალტერს სამსახურებრივი მდგომარეობის გამოყენებას და დიდი ოდენობით ფულადი თანხის მითვისებას ედავებიან, რაც სასჯელის სახედ და ზომად 7-დან 11 წლამდე თავისუფლების აღკვეთას ითვალისწინებს.
- ქარის შედეგად დაზიანებული 20 საჯარო სკოლა შეკეთდება – სკოლების სია by ინფოLIFE
- 500 ლარი მენტორი მასწავლებლებისთვის და 1000-ლარიანი ჯილდო გრანტის მქონე აბიტურიენტებს ლაგოდეხის მუნიციპალიტეტში by ინფოLIFE
- სკოლაში ასაფეთქებელი მოწყობილობის არსებობის შესახებ ინფორმაცია მეილზე მიიღეს – სწავლა შეწყვეტილია by ინფოLIFE