ქუთაისის უნივერსიტეტში საერთაშორისო პროექტ “PEOPLE”-ის შესახებ საინფორმაციო ბრიფინგი გაიმართა

18 დეკემბერს ევროკავშირის “ტემპუს” პროგრამის ერთ–ერთი მიმდინარე პროექტის – “PEOPLE” შესახებ ქუთაისის უნივერსიტეტის საკონფერენციო დარბაზში საინფორმაციო ბრიფინგი გაიმართა.

პროექტის სრული სახელწოდებაა “საგანმანათლებლო ორგანიზაციის ხელშეწყობა ადამიანური რესურსების მეშვეობით”.

ბრიფინგის ორგანიზატორებმა, ლელა ქელბაქიანმა (ქუთაისის უნივერსიტეტის სტრატეგიული დაგეგმვისა და საერთაშორისო პროექტების კონსულტანტმა) და ელგუჯა დეისაძემ, (“PEOPLE” პროექტის ადგილობრივი კოორდინატორი) პრეზენტაციის სახით, ქუთაისის უნივერსიტეტის აკადემიურ და ადმინისტრაციულ პერსონალს პროექტის ფარგლებში შესრულებული სამუშაოების ანგარიში წარუდგინეს და ის ღონისძიებები დააანონსეს, რომლებიც უახლოესი 3 თვის განმავლობაში აღნიშნული პროექტის ეგიდით უნდა განხორციელდეს.