როგორ დაიბრუნებენ გამოცდაში მონაწილეობის საფასურს საქართველოში სწავლის გაგრძელების მსურველები – ინსტრუქცია
უცხო ქვეყნების უმაღლესი საგანმანათლებლო დაწესებულებებიდან საქართველოში სწავლის გაგრძელების მსურველი სტუდენტებისთვის განისაზღვრა წესი თუ რა შემთხვევაში დაუბრუნდებათ მათ უკან გამოცდაში მონაწილეობის საფასური.
საფასური სრულად დაუბრუნდებათ მათ თუ:
- პირი რეგისტრაციის ვადის განმავლობაში არ დარეგისტრირდა გამოცდაზე;
- რეგისტრაციის ვადის განმავლობაში წერილობით მოითხოვა რეგისტრაციის გაუქმება;
- არ გამოცხადდა გამოცდაზე.
თანხის დაბრუნების თაობაზე სტუდენტებმა უნდა მომართონ შეფასებისა და გამოცდების ეროვნულ ცენტრს განცხადებით 2021 წლის 15 თებერვლის 10:00 საათიდან 16 მარტის 18:00 საათამდე.
განაცხადს აუცილებლად უნდა დაერთოს:
- ბანკის მიერ გაცემული საბანკო რეკვიზიტები (ბანკის კოდი, 22 სიმბოლოსგან შემდგარი ანგარიშის ნომერი და ანგარიშის მფლობელის გვარი და სახელი);
- აპლიკანტის/გადამხდელის პირადობის მოწმობის ასლი.
განცხადება უნდა წარმოადგინოთ შეფასებისა და გამოცდების ეროვნულ ცენტრში (მისამართი: თბილისი, ე. მინდელის ქუჩა N9), ხოლო რეგიონებში – საგანმანათლებლო რესურსცენტრებში, რომლებიც შემდგომ უზრუნველყოფენ ცენტრში განცხადებების გადმოგზავნას მართვის ერთიანი ავტომატური სისტემის (eflow) გამოყენებით. განაცხადი ასევე მიიღება ელექტრონული ფოსტით შემდეგ მისამართზე: gancxadebebi@naec.ge იმისათვის, რომ ელექტრონულ ფოსტაზე შემოსულ კორესპონდენციებს მიეცეს მსვლელობა, განცხადება უნდა იყოს მოქმედი კანონმდებლობის შესაბამისად შედგენილი, ხელმოწერილი და დასკანერებული.
განცხადებაში უნდა იყოს აღნიშნული:
- იმ ადმინისტრაციული ორგანოს ან პირის დასახელება, რომელსაც მიმართავს განმცხადებელი;
- განმცხადებლის ვინაობა, პირადი ნომერი, მისამართი (სასურველია – ტელეფონის ნომერი);
მოთხოვნა; - განცხადების წარდგენის თარიღი და განმცხადებლის ხელმოწერა.
თანხა თქვენ მიერ მითითებულ ანგარიშზე ჩაირიცხება განცხადებების მიღების დასრულებიდან ერთი თვის განმავლობაში.
- დაიწყება თუ არა სკოლაში ქართული ენის ცალკე საგნად სწავლება? – რა პასუხი აქვს განათლების მინისტრს by ARIS.GE-განათლება
- „ძალიან დაგეხმარებათ პროგრამის მიზნებისა და შინაარსის გაცნობა“ – როგორ შევარჩიოთ სასწავლო პროგრამები სწორად by რჩევები
- გამოქვეყნდა საჯარო სკოლის დირექტორობის მსურველთა გასაუბრების განრიგი და შეფასების კრიტერიუმები by ARIS.GE-განათლება