„საკითხებიდან მხოლოდ დოჩანაშვილი და ვეფხისტყაოსანი მახსოვს” – მესამე სესიიდან გამოსული აბიტურიენტი

დღეს 2019 წლის ერთიანი ეროვნული გამოცდების მეორე დღეა. ამ წუთებში აბიტურიენტები ქართული ენისა და ლიტერატურის გამოცდას მესამე სესიაზე აბარებენ.

175-ე სკოლაში მდებარე საგამოცდი ცენტრიდან უკვე გამოვიდა პირველი აბიტურიენტი. მან გამოცდა დაწყებიდან დაახლოებით ნახევარ საათში დატოვა. როგორც აბიტურიენტმა EDU.ARIS.GE-სთან აღნიშნა, ასე ადრე თავისი სურვილით გამოვიდა და რეგისტრაციიდან არ მოუხსნიათ – “უბრალოდ გამოვედი, რეგისტრაციიდან არ მოვუხსნივარ”.

რაც შეეხება გამოცდაზე მოსულ საკითხებს, აბიტურიენტის თქმით, მხოლოდ დოჩანაშვილი და “ვეფხისტყაოსანი” ახსოვს, სხვა დეტალები კი აღარ დაუკონკრეტებია.

განახლებადი ინფორმაცია გამოცდების შესახებ

მოამზადა ანუკი წიწილაშვილმა