საქართველოს გიდების ასოციაციის წევრმა გრიგოლ რობაქიძის უნივერსიტეტის სტუდენტებისთვის ლექცია ჩაატარა

სერტიფიცირებულმა მთის გიდმა, მთაში გამყოლობის მრავალწლიანი გამოცდილების მქონე სპეციალისტმა, საქართველოს გიდების ასოციაციის წევრმა გიორგი ლიპარტელიანმა გრიგოლ რობაქიძის სახელობის უნივერსიტეტის ბიზნესისა და მართვის სკოლის სტუდენტებისთვის ინტერაქტიური ლექცია ჩაატარა.

მოწვეულმა სტუმარმა სტუდენტებს გაუზიარა თავისი გამოცდილება და ესაუბრა მათ საქართველოში ლაშქრობის პერსპექტივებისა და შესაძლებლობების, სალაშქრო ტურის დაგეგმვისა და განხორციელების; სალაშქრო მარშრუტებისა და ეკიპირების შესახებ;

გიორგი ლიპარტელიანი, ამავე დროს, არის გამორჩეული ხედვის ფოტოგრაფი, რომლის ნამუშევრებმა არაერთხელ დაიმსახურა მოწონება და პირველი ადგილი ადგილობრივ თუ საერთაშორისო ტურისტულ კონკურსებზე. ამდენად, ლექციაზე გიორგი ლიპატელიანი ტურიზმში ფოტოგრაფიის ადგილსა და მნიშვნელობასაც შეეხო.

ინტერაქტიური ლექციის დასასრულს მოწვეულმა სტუმარმა უპასუხა სტუდენტების შეკითხვებს. დაისახა ერთობლივი სალაშქრო ტური ბორჯომ–ხარაგაულის ეროვნულ პარკში.