სკოლამდელი და ზოგადი განათლების ხელშეწყობისთვის სამმხრივი მემორანდუმი გაფორმდა
ბავშვთა უფლებების, მასწავლებელთა კორპუსის გაძლიერებისა და განათლების ხელმისაწვდომობის გაზრდის მიზნით, საქართველოს განათლების და მეცნიერების სამინისტროს, გაეროს ბავშვთა ფონდსა (UNICEF) და განათლების კოალიციას შორის ურთიერთთანამშრომლობის მემორანდუმი გაფორმდა.
 |
მემორანდუმს ხელი საქართველოს განათლებისა და მეცნიერების მინისტრის პირველმა მოადგილემ ეკატერინე დგებუაძემ, გაეროს ბავშვთა ფონდის წარმომადგენელმა საქართველოში ღასან ხალილმა და განათლების კოალიციის გამგეობის თავმჯდომარემ ირინა ხანთაძემ მოაწერეს.
მემორანდუმი მიზნად ისახავს, სკოლამდელი და ზოგადი განათლების მიმართულებით COVID-19-ის შედეგად მიღებული ზარალის შემცირებასა და სახელმწიფო ინტერვენციების განხორციელების ხელშეწყობას.
მხარეები შეთანხმდნენ, რომ აქტიურად ითანამშრომლებენ ისეთ საკითხებთან დაკავშირებით, როგორებიცაა: ბავშვთა უფლებების დაცვა, საქართველოში მასწავლებელთა კორპუსის გაძლიერება, ინკლუზიურ და ხარისხიან განათლებაზე მოსწავლეთა ხელმისაწვდომობისა და ჩართულობის გაზრდა, რაც სამინისტროს ერთ-ერთ პრიორიტეტს წამოადგენს. ამ მიმართულებით ადგილობრივ და საერთაშორისო პარტნიორებთან მჭიდრო თანამშრომლობით სამინისტრო არაერთ პროექტს ახორციელებს.
-
„ჩანთაში საჭმელი ძალიან ბევრჯერ მქონია, მაგრამ სხვებს არ ჰქონიათ და ამიტომ არც მე მიჭამია“ – სასკოლო კვების პრობლემას კვირეული მიეძღვნა
by კოალიცია „განათლება ყველასათვის – საქართველო”
-
2024 წლის მასწავლებლის ეროვნული ჯილდოს გახსნითი ღონისძიება გაიმართა
by კოალიცია „განათლება ყველასათვის – საქართველო”
-
„სკოლაში, ფაქტობრივად, მშიერი ბავშვები მოდიან“ – განათლების კოალიციამ სასკოლო კვების დანერგვის ადვოკატირება დაიწყო
by კოალიცია „განათლება ყველასათვის – საქართველო”