სსუ-ის სტუდენტებმა მონაწილეობა მიიღეს კონფერენციაში – “კულტურული დიალოგი და ახალგაზრდების როლი სამშვიდობო პროცესებში“

სოხუმის სახელმწიფო უნივერსიტეტის სტუდენტებმა თბილისში სასტუმრო „ლაერტონში“ გამართულ კონფერენციაში მიიღეს მონაწილეობა.

კონფერენციის თემა – “კულტურული დიალოგი და ახალგაზრდების როლი სამშვიდობო პროცესებში“. პროექტის ორგანიზატორია აფხაზეთის ავტონომიური რესპუბლიკის მინისტრის აპარატი.

კონფერენციაში სოხუმის სახელმწიფო უნივერსიტეტიდან მონაწილეობა მიიღეს სოციალურ და პოლიტიკურ მეცნიერებათა ფაკულტეტის სტუდენტებმა -„დიპლომატთა კლუბის“ წარმომადგენლებმა: ილონა ვართანოვამ, ზურაბ გორგოძემ და თორნიკე ქავთარაძემ.
საუბრის დროს ახალგაზრდებმა ხაზი გაუსვეს საუნივერსიტეტო დიპლომატიის მნიშვნელობას და მის სპეციფიკას.

პროექტის მიზანი ახალგაზრდების როლის გააქტიურება პოლიტიკურ და კულტურულ ცხოვრებაში იყო.