სსუ-ის წარმომადგენლები აფხაზეთის ომის ვეტერანთა დღისადმი მიძღვნილ საღამოს დაესწრნენ

18 ოქტომბერს სოხუმის სახელმწიფო უნივერსიტეტის რექტორი, პროფესორი ზურაბ ხონელიძე პროფესორ-მასწავლებლებთან და სტუდენტებთან ერთად კულტურის ცენტრში „კონგრეს ჰოლი“ აფხაზეთის ომის ვეტერანთა დღისადმი მიძღვნილ საღამოს დაესწრო, რომელიც 2014 წლიდან აღინიშნება.

ღონისძიებას ესწრებოდნენ: აფხაზეთის ავტონომიური რესპუბლიკის მთავრობა, აფხაზეთის ა/რ უმაღლესი საბჭოს წევრები, საქართველოს პარლამენტის წევრები, ვეტერანების საქმეთა სახელმწიფო სამსახურის წარმომადგენლები, აფხაზეთის ომის ვეტერანები და დევნილი მოსახლეობა.

სიტყვით გამოვიდნენ:

• ვახტანგ ყოლბაია-აფხაზეთის ა/რ მთავრობის თავმჯდომარე;
• გიორგი ვოლსკი – საქართველოს პარლამენტის წევრი;
• გია გვაზავა – აფხაზეთის ა/რ უმაღლესი საბჭოს თავმჯდომარე;
• ჯანდრი უბირია – ვეტერანების საქმეთა სახელმწიფო სამსახურის დირექტორის მოადგილე, აფხაზეთის ომის ვეტერანი;
• ქრისტინე ჩაჩუა – სოხუმის სახელმწიფო უნივერსიტეტის იურიდიული ფაკულტეტის სტუდენტი.

ღონისძიებაზე საკონცერტო პროგრამით წარსდგნენ: გ.ყურაშვილის სახელობის, აფხაზეთის სახელმწიფო საგუნდო კაპელა; აფხაზეთის სიმღერისა და ცეკვის სახელმწიფო ანსამბლი „აფხაზეთი“; ესტრადის მომღერლები: ირმა სოხაძე, ინგა ბერაძე და გიგი გეგელაშვილი.

ომში დაღუპულ გმირთა ხსოვნას დამსწრე საზოგადოებამ წუთიერი დუმილით პატივი მიაგო.

საქართველოს ეროვნული გმირების სიცოცხლე, სამშობლოს კეთილდღეობასა და ტერიტორიული მთლიანობისათვის ბრძოლას შეეწირა.