სტუდენტებისთვის კონკურსი „ნამდვილი თუ მოგონილი?!“ გამოცხადდა

ბაკალავრიატის სტუდენტებისთვის გამოცხადდა კონკურსი „ნამდვილი თუ მოგონილი?!“. როგორც კომუნიკაციების კომისიის მიერ 1-ელ ნოემბერს გავრცელებულ ინფორმაციაშია ნათქვამი, კონკურსის მიზანი ლოგიკური და კრიტიკული აზროვნების, ანალიზისა და ფაქტების გადამოწმების, მედიაწიგნიერებისთვის საჭირო უნარ-ჩვევების განვითარებაა.

კონკურსში მონაწილეობის მიღება, 1 ნოემბრიდან 5 დეკემბრის ჩათვლით, ბაკალავრიატის ყველა სტუდენტს შეუძლია.

კონკურსის ფარგლებში, სტუდენტებმა უნდა აღმოაჩინონ მედიასივრცეში, მათ შორის ინტერნეტში, ტელევიზიასა და ბეჭდურ მედიაში გავრცელებული ყალბი ინფორმაცია (Fake News), რომელიც ჯერ არ ყოფილა დადასტურებული, როგორც ყალბი ინფორმაცია. სტუდენტებმა უნდა წარმოადგინონ ამბის აღმოჩენის გზა, მისი გადამოწმების წყარო და პარალელურად, დაადგინონ რეალური ფაქტები.

კონკურსის გამარჯვებულებს კომპეტენტური ჟიური გამოავლენს, რომლებსაც კომუნიკაციების კომისიისგან ულტრათანამედროვე პრიზები გადაეცემათ. პირველი ადგილის მფლობელი საჩუქრად iPhone 13 Pro-ს მიიღებს, მეორე ადგილის მფლობელს – HP Pavilion, ხოლო მესამე ადგილზე გასულ სტუდენტს 3 iPad 10.2 (9 Gen) გადაეცემა.

კონკურსის წესები და დეტალური ინფორმაცია