თავმჯდომარის ცვლილების შემდეგ, პარლამენტის განათლების კომიტეტის მოადგილეც აირჩიეს
პარლამენტის განათლების და მეცნიერების კომიტეტის თავმჯდომარის მოადგილედ „ქართული ოცნება – დემოკრატიული საქართველოს“ წარმომადგენელი თამარ ტალიაშვილი აირჩიეს. მას კომიტეტის სხდომაზე შეკრებილი დეპუტატების უმრავლესობამ დაუჭირა მხარი.
თამარ ტალიაშვილი 2017 – 2020 წლებში თბილისის საკრებულოს წევრი და განათლებისა და კულტურის კომისიის თავმჯდომარე იყო.
მე-10 მოწვევის პარლამენტის განათლების და მეცნიერების კომიტეტი ამ ეტაპზე შემდეგი შემადგენლობისაა: შალვა პაპუაშვილი (თავმჯდომარე), გიორგი ამილახვარი (პირველი მოდგილე), თამარ ტალიაშვილი (მოადგილე), ანა ბუჩუკური (წევრი), გიორგი დავითულიანი (წევრი), ალექანდრე ელისაშვილი (წევრი), დავით ზილფიმიანი (წევრი), ვლადიმერ კახაძე (წევრი), მარიამ ლაშხი და მაია მენაღარიშვილი.
განათლების კომიტეტის თავმჯდომარეს ორი მოადგილე უკვე ჰყავს, პარლამენტის რეგლამენტის თანახმად, კიდევ ერთი მოადგილის წარდგენის უფლება ოპოზიციურ ფრაქციას ან ოპოზიციონერ დეპუტატთა არანაკლებ 7 კაციან ჯგუფს აქვს.
კომიტეტის თავმჯდომარე შალვა პაპუაშვილის განცხადებით, ოპოზიციას აქვს შესაძლებლობა, რომ განათლების კომიტეტში, ნებისმიერ დროს საკუთარი წარმომადგენელი დაასახელოს.
პარლამენტის განათლებისა და მეცნიერების კომიტეტის თავმჯდომარედ შალვა პაპუაშვილი დაამტკიცეს
- საქართველოდან უცხოეთში დისტანციურად მიღებული უმაღლესი განათლება აღიარდება – პარლამენტმა განხილვები დაიწყო by ARIS.GE-განათლება
- რა ცოდნასა და უნარებს შეიძენს სტუდენტი მენეჯმენტის საბაკალავრო და სამაგისტრო პროგრამაზე სწავლისას – სტანდარტი დამტკიცდა by ARIS.GE-განათლება
- სკოლებში მანდატურის სამსახურმა ფსიქოლოგებისა და სოციალური მუშაკების შესარჩევი კონკურსი გამოაცხადა – რეგიონების სია და ინსტრუქცია მსურველებისთვის by საგანმანათლებლო დაწესებულების მანდატურის სამსახური