თბილისის ბაგა-ბაღების მართვის სააგენტოს კვლავ კახაბერ გვანცელაძე უხელმძღვანელებს

თბილისის საბავშვო ბაგა-ბაღების მართვის სააგენტოს, შემდეგი ოთხი წლის განმავლობაში, კვლავ კახაბერ გვანცელაძე უხელმძღვანელებს. აღნიშნული ინფორმაცია თბილისის ბაგა-ბაღების მართვის სააგენტომ დღეს, 8 დეკემბერს გაავრცელა.

დედაქალაქის მთავრობა თბილისის ახალი მოწვევის საკრებულომ 7 დეკემბერს დაამტკიცა.

ცნობისთვის, გვანცელაძემ ქალაქის ადრეული აღზრდისა და სკოლამდელი განათლების სისტემა პირველად 2017 წელს ჩაიბარა.